Bakıda hansı yollar apreldə bağlı olacaq? - XƏRİTƏ
“Formula-1” yarışlarının keçirilməsilə əlaqədar Bakıda bəzi küçələr müvəqqəti olaraq bağlanacaq.
1news.az-a Nəqliyyatın İntellektual İdarəetmə Mərkəzindən verilən məlumata görə, əsasən aprelin3-dən 5-nə qədər İstiqlaliyyət küçəsinin Əziz Əliyev (Konstitusiya Məhkəməsinin qarşısı) küçəsilə kəsişən hissəsi bağlanacaq.
Aprelin 6-dan 8-dək İstiqlaliyyət küçəsinin “İçərişəhər” metrostansiyası ilə Niyazi (Filarmoniyanın qarşısı) küçəsinə qədər və Niyazi küçəsindən Azneft dairəsinə qədər olan hissə bağlı olacaq.
Aprelin 9-dan 12-dək Neftçilər prospektinin Azneft dairəsindən Əziz Əliyev (Kukla Teatrının qarşısı) küçəsinədək olan hissəsi bağlı olacaq.
13-15 aprel tarixlərində Neftçilər prospektinin Əziz Əliyev küçəsi ilə Rəşid Behbudov (Park Bulvar) küçələrinin kəsişməsində, 16-19 apreldə isə Neftçilər prospektinin digər hissəsində - Rəşid Behbudov küçəsi ilə Puşkin (“Marriot Abşeron” oteli) küçəsinin kəsişməsində təmir işlərinin aparılması nəzərdə tutulur.
1news.az
