Almaniya Bundestaqının deputatı: " Ermənistan silahlı qüvvələrinin Dağlıq Qarabağ bölgəsindən çıxarılması prosesi çox gecikdirilib"
“Ermənistan silahlı qüvvələrinin Dağlıq Qarabağ bölgəsindən çıxarılması prosesi çox gecikdirilib. Bu, azərbaycanlı məcburi köçkünlərin təhlükəsiz şəraitdə vətənlərinə qayıtmaları üçün zəruridir. Birləşmiş Millətlər Təşkilatının müvafiq qurumları keçmişdə bunu təkrar-təkrar bildirib və Azərbaycanın ərazi bütövlüyünün bərpa olunmasını birmənalı olaraq tələb edib".
1news.az xəbər verir ki, bu fikirləri Almaniya Bundestaqının deputatı Mark Hauptmanın Dağlıq Qarabağ bölgəsində atəşkəş rejiminin pozulmasına dair bəyanatında səsləndirib.
Deputat qeyd edib ki, Almaniya və Avropa İttifaqı Dağlıq Qarabağın işğal altında qalmasına qarşı çıxış edirlər. ATƏT-in Minsk Qrupunun qətnamələri, həmçinin, Birləşmiş Millətlər Təşkilatı, ATƏT və Avropa Şurasının qətnamələri icra edilməlidir.
"Biz beynəlxalq partnyorlarımızla sülh prosesini açıq şəkildə dəstkləyirik. Firavanlıq və inkişaf yalnız daimi sülh vasitəsi ilə təmin edilə bilər. Bu günlərdə hərbi silahlı toqquşmaların yenidən alovlanması bir daha göstərdi ki, münaqişə hər an yenidən güclənə bilər. Ona görə də regionda bütün tərəflər arasında həll yolunun tapılması üçün davamlı sülh prosesi çox vacibdir”,- deyə Mark Hauptman bildirib.
1news.az
