Erməni hərbçilər Azərbaycanı ittiham etmək üçün öz vətəndaşlarını güllələdi? – FOTO
Dünəndən başlayaraq bir çox erməni saytları hər hansı sübut təqdim etmədən ölən və yaralanan dinc erməni əhalisi ilə bağlı məlumat yayır, buna görə məsuliyyəti Azərbaycan ordusunun özərinə qoymağa çalışırlar.
Əgər əvvəl Ermənistan KİV-ində ancaq səliqəli vəziyyətdə xəstəxada uzanan və heç bir yaralanma izi olmayan yaralı uşaqların fotoları görünürdüsə, bir qədər sonra güya “Azərbaycan əsgərlərinin əli ilə” cəbhə bölgəsində öldürülən ailələrin fotoları yayımlanır.
Lakin buna cavab olaraq erməni müxalifətinə aid olan “Facebook” istifadəçiləri əminliklə bildirir ki, buradakı saxtakarlıq göz önundədir. Əsas məqsəd isə erməni silahlılarının özlərinin törətdiyi cinayətin məsuliyyətini qarşı tərəfin üzərinə qoymaqdır.
“Şəkillərdən müşahidə etmək olur ki, dinc əhali Azərbaycan Silahlı qüvvələrinin Erməni silahlılarının mövqelərinə bombardmanı nəticəsində deyil, soyuqqanlılıqla yaxından atılan güllədən ölüblər.
Əgər Azərbaycan qoşunları belə çinayəti etmiş olsaydı, onların ordusu indi həmin ərazini nəzarət altında saxlayardı. Çətin ki həmin vaxt siz bu fotoları çəkə biləydiniz. Əgər evə mərmi düşmüş olsaydı, onun təkcə qapısı sınmazdı”, - Levon Sarkisyan adlı erməni “facebook” istifadəçisi foto ilə bağlı fikirlərini bildirib və yazdığı şərhlərin davamlı şilindiyindən şikayətlənib.
“Bizə yalan deməyiniz azmiş kimi, hələ bir orta əsrlər metodu ilə əhalinin gözünü qorxutmağa çalışırsınız. (baxın,bizim düşmənimiz necə vəhşidir). Xaricilərə isə bu fotoları göstərib deyirsiniz- bizim heç nədə günahımız yoxdur, hər şeyi düşmən edib. Yetər artıq, mənim şərhlərimi silməyin!”,- Levon Sarkisyan adlı erməni “facebook” istifadəçisi yazıb.
Bakıda erməni tərəfin ittihamları təkzib olunur.
“Azərbaycan Silahlı Qüvvələri dinc əhali ilə müharibə aparmır”, - bunu 1news.az-a Azərbaycan Müdafiə Nazirliyinin mətbuat xidmətinin rəhbəri Vaqif Dərgahlı Erməni KİV-ində yayılan fotoları şərh edərkən bildirib.
Onun sözlərinə görə, Azərbaycan Silahlı Qüvvələri istisnasız olaraq Azərbaycan torpaqlarını işğal altında saxlayan Ermənistanın silahlılarına qarşı döyüş əməliyyatları aparır.
“Azərbaycan SQ heç vaxt dinc əhaliyə atəş açmayıb. Bu foto isə erməni tərəfin növbəti təxribatıdır”, - deyən V.Dərgahlı qeyd edib ki, məhz erməni ordusu dəfələrlə sərhədyanı ərazidə yaşayan azərbaycanlı dinc əhaliyə qarşı cinayətlər törədib.
1news.az
