İsrailli jurnalistlər Azərbaycanda baş verən son prosesləri işıqlandırmaq üçün ölkəmizə səfər ediblər

İsrailli junalistlər Azərbaycanda baş verən son prosesləri işıqlandırmaq üçün ölkəmizə səfər ediblər.

1news.az-ın AZƏRTAC-a istinadla verdiyi xəbərə görə, səfər çərçivəsində aprelin 4-də israilli junalistlər İsrail-Azərbaycan cəmiyyətlərində olub, Ermənistan-Azərbaycan, Dağlıq Qarabağ münaqişəsi ilə bağlı baş verən hadisələr barədə məlumat almaq üçün müvafiq qurumların mətbuat xidmətləri, həmçinin Azərbaycan Respublikası Prezidentinin İctimai-siyasi məsələlər üzrə köməkçisi Əli Həsənovla görüşlər keçiriblər.

İsrailin nüfuzlu media qurumlarının nümayəndələrindən ibarət heyətin səfərində əsas məqsəd Azərbaycanda baş verən hadisələri, Ermənistanın Azərbaycana qarşı törətdiyi təxribatları, münaqişənin ölkəmizdə yaratdığı problemləri İsrail ictimaiyyətinə çatdırmaqdır.

1news.az