İstanbulda azərbaycanlı fotoqrafın “Əslində incinən qürurumuzdur” adlı sərgisi keçirilib

4-5 aprel tarixlərində Türkiyənin İstanbul şəhərində azərbaycanlı fotoqraf Aygün Babayevanın “Əslində incinən qürurumuzdur” adlı sərgisi keçirilib.

1news.az-ın məlumatına görə, “Kedi Sənət Mərkəzi”ndə keçirilən və əsas məqsədi qadınları öz haqqları uğrunda mübarizəyə səsləmək olan sərgi həmçinin Qarabağ müharibəsi dövründə zorakılığa məruz qalmış qadınlara da həsr olunub.

Layihədə azərbaycanlılarla yanaşı bir çox türk sənət və iş aləmindən olan qadınlar da yer alıb. Layihədə yer alanlar sırasında Damla Çerçişoğlu, Selda Özbek Orpak, Göksel Kortay, Şebnem Özinal, Oya Aydoğan, Günel Zeynalova, Məlahət Abbasoba, İradə İbrahimova, Nərmin Balayeva, Burcu Akyürek, İşık Selin Kuyumcu, Reyhan Aydınsel, Begüm Koyçiç, Elif İdiz ve Mavi Kazo da var.

Layihə rəhbəri A.Babayeva bildirib ki, onun fotoqrafiyaya olan marağı atasının dövlət kanalı olan AzTV-də 45 ildən artıq operator olmasından irəli gəlir. Layihədən danışarkən o vurğulayıb ki, bu təşəbbüsü qadınlara qarşı hər gün artan fiziki və mənəvi təzyiqləri, təcavüz hadisələrini icitmaiyyətin diqqətinə çatdırmaq üçün irəli sürüb və layihə iştirakçılarına ayrı-ayrılıqda təşəkkür etdiyini bildirib.

1news.az