Neftçalanın Mürsəqulu kəndinə ilk dəfə təbii qaz verilib

Aprelin 6-da Neftçala rayonunun Mürsəqulu kəndinə ilk dəfə olaraq təbii qaz verilib.

1news.az-ın məlumatına görə, bu münasibətlə keçirilən tədbirdə rayon icra hakimiyyətinin və “Azəriqaz” İstehsalat Birliyinin təmsilçiləri, ictimaiyyət nümayəndələri iştirak ediblər. 

Bildirilib ki, 257 abonenti olan kəndin qazlaşdırılması məqsədi ilə birpilləli sistem əsasında 22780 metr uzunluğunda müxtəlif diametrli polietilen və metal borularla daşıyıcı və məhəllədaxili qaz xətləri çəkilib, abonentlərin mənzillərində sayğac və fərdi tənzimləyicilər quraşdırılıb. 

1news.az