Ağstafada qəzaya uğrayan maşında sıxışıb qalan sürücü xilas edilib

Ağstafa rayonunda bir nəfərin yaralanması ilə nəticələnən yol-nəqliyyat hadisəsi baş verib.

1news.az-ın verdiyi xəbərə görə, bu barədə Fövqəladə Hallar Nazirliyindən məlumat veriblər.

Məlumata görə, nazirliyin Böhran Vəziyyətlərində İdarəetmə Mərkəzinə Ağstafa şəhərində vətəndaşa məxsus “VAZ” markalı minik avtomobilinin idarəetməni itirərək qəzaya uğraması barədə məlumat daxil olub.

Yanğınsöndürən-xilasedicilər deformasiyaya uğramış avtomobildən sürücünü çıxararaq aidiyyəti üzrə təhvil veriblər.

1news.az