QHT-lər arasında atıcılıq üzrə çempionat keçiriləcək
![QHT-lər arasında atıcılıq üzrə çempionat keçiriləcək](/images/articles/2016/04/11/thumb_20160411052259593.jpg?2021-02-17+09%3A23%3A32)
Prezident yanında Qeyri-Hökumət Təşkilatlarına Dövlət Dəstəyi Şurası “QHT-lər arasında atıcılıq çempionatı” təşkil edəcək.
1news.az-ın məlumatına görə, ulu öndər Heydər Əliyevin anadan olmasının 93-cü ildönümü ilə əlaqədar təşkil olunacaq çempionat 9 may tarixində Bakı Atıcılıq Mərkəzində keçiriləcək.
Çempionatda iştirak edəcək hər bir komandada 1-dən 5-ə qədər QHT təmsil oluna bilər. Atıcılıq çempionatında iştirak etmək istəyən QHT-lər komandanın adını, üzvlərinin ad və təvəllüdlərini və əlaqə vasitələrini yazaraq 30 aprel 2016-cı ilədək [email protected] elektron poçtuna göndərməlidirlər.
Yarışda iştirak edəcək komandaların seçimi Prezident yanında Qeyri-Hökumət Təşkilatlarına Dövlət Dəstəyi Şurası tərəfindən aparılacaq.
Binəqədi rayon İcra Hakimiyyətinin təşkilati dəstək verdiyi layihənin koordinatoru Azərbaycan Tələbələr Birliyidir.
Əlaqə vasitələri: (+994) 50 359 89 86, (+994) 12 493 17 80
1news.az