Şəmkirdə sexdə partlayış olub, bir nəfər yanıq xəsarətləri alıb

Şəmkir rayonunda yerləşən sexlərin birində bir nəfərin xəsarət alması ilə nəticələnən partlayış baş verib.

1news.az-ın Fövqəladə Hallar Naziriliyinə istinadən verdiyi xəbərə görə, hadisə bu gün sözügedən rayonun Yeni Həyat kəndində qeydə alınıb.

Belə ki, kənddə vətəndaşa məxsus ümumi sahəsi 300 kv.m olan taxta yeşiklərin emalı sexinin ərazisində sahəsi 50 kv.m olan gözətçi otağında yanğınla nəticələnən partlayış baş verib.

Partlayış zamanı otağın qapı-pəncərə çərçivələri, lambirindən ibarət tavan dağılmış və otağın yanar konstruksiyaları yanıb. Partlayış zamanı 1 nəfər yanıq xəsarəti alıb.

Gözətçi otağın qalan hissəsi və yaxınlıqdakı sex yanğından mühafizə olunub. Yanğın saat 07:45-də yanğınsöndürənlər tərəfindən söndürülüb.

1news.az