BU, HEYRƏTAMİZDİR! Məktəblilər Qarabağda şəhid olanların xatirəsinə aksiya keçirib – VİDEO

Azərbaycan məktəblərinin birində şagirdlər yaxın günlərdə erməni silahlı qüvvələrinin təxribatına müqavimət göstrərkən şəhid olan Azərbaycan Ordusunun hərbçilərinin xatirəsinə aksiya keçirib.

Sosial şəbəkələrdə yayılan videodan da aydın göründüyü kimi, öncə şəhid olanların adlarısöylənilib. Bu zaman şagirdlər yüksəkdən: “Burdadır!”deyə cavab veriblər. Bununla da şagirdlər bildirmək istəyiblər ki, Vətən uğrunda şəhid olanlar canlarını boş yerə qurban verməyiblər. Onların xatirəsi hər zaman Azərbaycan xalqının qəlbində yaşayacaq.

Qeyd edək ki, Azərbaycan Silahlı Qüvvələrinin işğal olunmuş ərazilərdə həyata keçirdiyi əməliyyatlar qısa zaman içində cəmiyyət tərəfindən icmal olunub.

Hazırda əhalinin bütün təbəqələri arasında ruh yüksəkliyi hiss olunur. Yaşından, siyasi baxışından, dinindən və mənsubiyyətindən asılı olmayaraq azərbaycanlılar öz ordusuna, şəhidlərinə və dövlətinə yüksək səviyyədə dəstək göstərib.

Son günlər ərzində çoxlu sayda vətəndaş, xüsusən də gənclər yürüş və digər tədbirlər keçirməklə Azərbaycan ordusu və dövlətinə öz dəstəklərini nümayiş etdiriblər.

1news.az