Ermənistan maliyyə imkanı olmadığı üçün İsrail silahını almaqdan imtina edib - Mənbə

Ermənistan İsrail istehsalı olan silah almaqdan imtina edib, bunu ötən bazar ertəsi müdafiə nazirinin keçmiş müavini David Tonoyan bəyan edib.

Tonoyanın sözlərinə görə silah bazarı Ermənistan üçün açıqdır, lakin “Aİ və ABŞ tərəfindən qoyulan müəyyən məhdudiyyətlər var. Bu Qartabağda hərbi imkanların artmasının arzuolunmazlığı ilə əlaqədardır”.

“Bir növ ceüntlmen razılaşdırılması var ki, münaqişə bölməsinə çox silah gətirilməsin. Təbii olaraq onlar belə bir məhdudiyyət olmayan başqa ölkələrdən alınır. Həmin İsrail bizə Azərbaycana satdığı silahdan təklif edib . Bizim buna ehtiyacımız olmadığı üçün imtina etdik,” –deyə Tonoyan Azadlıq radiosunun Ermənistan bölməsinə müsahibədə deyib.

1news.az-ın mənbələrdən əldə etdiyi məlumata görə əslində isə Ermənistanın İsrail istehsalı olan yüksəkkeyfiyyətli silah almağa maliyyə imkanı yoxdur. Halbuki həmin silah Azərbaycan SQ hərbi arsenalında vardır.

“Əgər belə silah satışı ilə bağlı təklif daxil olub və Ermənistana almaq gərək olmayıbsa, bəs niyə ermənilər İsrail XİN-ə Azərbaycana silah satışını dayandırmaqla bağlı nota verib? Nə üçün prezident S.şSarkisyan bəyan edib ki, ermənilər 80-ci illərin silahı ilə döyüşür, buna görə də Rusiyadan Azərbaycana silah verməməyi istəyir. Belə çıxır ki, Ermənistanın silaha ehtiyacı olsa da, onu almağa maliyyəsi yoxdur”, mənbə məlumat verir.

Mənbənin verdiyi məlumata görə Ermənistanın kreditlə Rusiyadan silah alınması prosesini tezləşdirmək istəyi də məhz buna görədir. Daha əvvəl bildirildiyi kimi bu yaxınlarda Rusiyalı həmkarı ilə görüş zamanı Ermənistan baş naziri bunu istəyib.

1news.az