Ermənistanın Moldovadakı fəxri konsulluğunun qarşısında etiraz nümayişi keçirilib – FOTO

Aprelin 9-da Moldova Respublikasında təhsil alan tələbələr tərəfindən ilk öncə Kişinyov şəhərinin mərkəzində yerləşən “Ştefan çel Mare” parkında daha sonra isə Ermənistanın fəxri konsulluğu önündə nümayiş keçirilib.

1news.az-ın məlumatına görə, “Azərbaycan əsgərinə dəstək” kompaniyası adı altında keçirilən aksiyada Mildovada yaşatan soydaşlarımızla yanaşı türkiyəli və moldovalı tələbələr də iştirak ediblər.

Nümayiş zamanı “Şəhidlər ölməz, Vətən bölünməz”, “Qarabağ bizimdir, bizim olacaq”, “Erməni zorakılığına son”, “İşğala son”, “Qarabağ Azərbaycanındır” və sair şüarlar səsləndirilib.

İki saat davam edən bu nümayiş yerli əhali tərəfindən böyük maraqla qarşılanıb və dəstək alıb.

1news.az