Gündüz İsmayılov: “Bəzi dini qruplar arasında radikallıq artır”

Etiraf etməliyik ki, bu gün ölkəmizdə dinə müraciət prosesi heç də zəif deyil.

1news.az xəbər verir ki, bu haqda 13 aprel tarixində “Ailə institutunun formalaşmasında ənənələrimiz” mövzusunda müzakirə zamanı dini strukturlarla iş üzrə Dövlət Komitəsinin sədr müavini Gündüz İsmayılov bildirib. Onun sözlərinə görə, bu cəmiyyətdə müəyyən problemlər yaradır.

“Təəssüf ki, dinə yönələn zaman bəzi dini qruplaşmalar məqsədyönlü şəkildə insanların milli mənsubiyyəti ilə dini mənsubiyyətini qarşı- qarşıya qoyur.     

Bundan əlavə bəzi dini qruplaşmalar arasında bəzi dini qruplaşmalar arasında radikalizm, dünyavi dövlətə qarşı çıxma halları artıb. Həmçinin, qadınların hüquqlarında da müəyyən məhdudiyyət yaranıb”, -deyən G. Ismayılov qadınların təhsil almaq, işləmək, ictimai-siyasi proseslərdə iştirak hüququnun olduğunu qeyd edib.

Dövlət Komitəsinin sədr müavini bildirib ki, azərbaycan dünyavi dövlətdir. Buna görə də bütün problemlər hüquq müstyəvisində həll olunmalıdır. “Lakin, bununla yanaşı maarifləndirmə işinin də aparılması vacibdir”, - o, deyib.

1news.az