Malta və Makedoniya prezidentləri BMT Sivilizasiyalar Alyansının Bakı Forumunda iştirak edəcək
Aprelin 25-27-də Azərbaycanda Birləşmiş Millətlər Təşkilatının Sivilizasiyalar Alyansının VII Qlobal Bakı Forumu keçiriləcək.
Forumda iştirak etmək üçün Maltanın Prezidenti xanım Mari-Luiz Koleyro və Makedoniya Respublikasının Prezidenti George İvanov Bakıya gələcək.
Mədəniyyət və Turizm Nazirliyindən 1news.az-a bildirilib ki, ümumilikdə üç gün müddətində yüksək rəsmilərin toplantısı, 30-a yaxın sessiya keçirilməsi nəzərdə tutulub. BMT SA-nın yüksək səviyyəli toplantısında Bakı Bəyannaməsinin qəbul edilməsi planlaşdırılır.
Qeyd edək ki, Azərbaycan Prezidentinin 2015-ci ilin 24 iyul tarixli Sərəncamına əsasən BMT-nin Sivilizasiyalar Alyansının VII Qlobal Forumunun Bakıda keçirilməsi ilə bağlı Təşkilat Komitəsi yaradılıb.
1news.az
