SAM-ın aparıcı elmi işçisi Harvard Universitetində məruzə ilə çıxış edəcək
Aprelin 21-də Prezident yanında Strateji Araşdırmalar Mərkəzinin İqtisadiyyatın təhlili və qloballaşma məsələləri şöbəsinin aparıcı elmi işçisi Gülmira Rzayeva Boston şəhərinə səfər edəcək.
1news.az-ın məlumatına görə, G.Rzayeva Harvard Universitetinin Kennedi məktəbinin Mossavar-Rahmani Mərkəzində “Azərbaycan qazının yeni geosiyasi mühitdə yeni regional imkanları” mövzusunda məruzə oxuyacaq.
G.Rzayeva aprelin 27-də nüfuzlu beyin mərkəzi “The Jamestown Foundation” tərəfindən təşkil olunacaq “Qara Dəniz və Cənubi Qafqazda enerji və geosiyasət - hazırki vəziyyət” adlı konfransda “Azərbaycanın qaz hasilatı və ixrac potensialı” mövzusunda məruzə ilə çıxış edəcək.
Daha sonra G.Rzayeva ABŞ-ın nüfuzlu beyin mərkəzi “Atlantic Council” tərəfindən təşkil olunacaq “ABŞ maye qaz ixracatı və Avropanın enerji təhlükəsizliyi” adlı konfransda “Enerji infrastrukturu və təchizatın diversifikasiyasında mövcud çağırışlar” mövzusu ilə çıxış edəcək.
1news.az
