Xəzərin Türkmənistan sektorunda tapılmış neftçinin meyiti Azərbaycana gətirilib - YENİLƏNMƏ

Xəbər verdiyimiz kimi, aprelin 18-də Xəzər dənizinin Türkmənistan sektorunda tapılmış və ilkin olaraq, “Günəşli” yatağındakı 10 saylı dərin dəniz özülündə baş vermiş qəza nəticəsində itkin düşmüş neftçilərdən birinin olduğu ehtimal edilən meyitin tanınması və Vətənə gətirilməsi üçün aprelin 22-də Fövqəladə Hallar Nazirliyinin (FHN) “BE-200ÇS” amfibiya tipli təyyarəsi istintaq qrupu ilə Türkmənistana yola düşüb.

Fövqəladə Hallar Nazirliyinin mətbuat xidmətindən 1news.az-a bildiriblər ki, təyyarə aprelin 22-də geri qayıdıb və cəsəd aidiyyəti üzrə təhvil verilib.

1news.az

12.19

Fövqəladə Hallar Nazirliyinin (FHN) təyyarəsi tapılmış meyitin gətirilməsi üçün Türkmənistana yola düşüb.

1news.az-ın nazirliyin saytına istinadla verdiyi məlumata görə, aprelin 18-də Xəzər dənizinin Türkmənistan sahillərində meyiti tapılıb.

Meyiti tapılmış şəxsin “Günəşli” yatağındakı 10 saylı dərin dəniz özülündə baş vermiş qəza nəticəsində itkin düşənlərdən birinin olduğu ehtimal edilir.

Bununla əlaqədar, meyitin tanınması və Vətənə gətirilməsi üçün bu gün FHN-in “BE-200ÇS” amfibiya tipli təyyarəsi istintaq qrupu ilə Türkmənistana yola düşüb.

1news.az