Ərdoğan: “Bu gün biz, öz səsimizi ucaltmalıyıq ki, yeni nəsillərə xoşbəxt gələcək bəxş edək”

Türkiyə Prezidenti Rəcəb Tayyib Ərdoğan Sivilizasiyalar Alyansının Qlobal Forumun tribunasından dünyada fəaliyyət göstərən radikal qruplarla mübarizəyə çağırıb:

“Suriya və İraqda terror təhlükəsi hökm sürür. Görünür biz, dünyada dialoqa nail ola bilməmişik. Biz bu təhlükəni XXI əsrdə aşmalıyıq. Terror bəşəriyyətə böyük zərər vurur. Terror nəticəsində minlərlə insan həlak olur, yüzlərlə mədəniyyət abidələri məhv edilir”.

1news.az-ın verdiyi xəbərə görə, bu haqda Türkiyə Prezidenti Rəcəb Tayyib Ərdoğan çərşənbə axşamı Bakıda BMT-nin Sivilizasiyalar Alyansının VII Qlobal Forumunda çıxışında bildirib.

Prezident qeyd edib ki, dünyada ksenofobiyanın yayılması müxtəlif mədəniyyət və dindən olan insanlar arasında uçurumlar yaradır:

“Terrorun dini və milliyyəti yoxdur. Məgər sülh idayasına əsaslanan din terror edə bilərmi? Heç vaxt”. 

Ərdoğan qeyd edib ki, İslam dini terroru qınayır, terrorçular isə bundan sui-istifadə edilər:

“Bu gün biz, öz səsimizi ucaltmalıyıq ki, yeni nəsillərə xoşbəxt gələcək bəxş edək. Bu Forumun tribunasından müraciət çox vacibdir. Bu gün bütün günhasızların nəzəri Bakıda - burada qəbul ediləcək deklarasiyada cəmlənib”.

Onun sözlərinə görə, irqçiliklə mübarizə aparmadan terrorla mübarizə etmək mümkün deyil:

“Türkiyə artıq 35 ildir ki, terrorla mübarizə aparır. Əgər biz terrorla mübarizə aparırıqsa, o zaman səmimi olmalıyıq. Terrorçuları silahla təchiz edənləri qınamalıyıq. Suriyada artıq 6 ildir ki, insanlar həlak olur. Buna son vermək lazımdır”.

1news.az