Əli Həsənov: Jurnalistika bütün münaqişələrdə tərəfdir

Azərbaycan Respublikası Prezidentinin İctimai-siyasi məsələlər üzrə köməkçisi, İctimai-siyasi məsələlər şöbəsinin müdiri Əli Həsənov problemli məsələlərin işıqlandırılmasında vahid yanaşma tərzinin formalaşmasının vacibliyini qeyd edib.

“Bizim yaşadığımız məkanda təxminən 50 münaqişə var və onların hamısında jurnalistika iştirak edir. Dağlıq Qarabağ, Dnesteryanı, Abxaziya, rus-çeçen münaqişəsi, Ukrayna münaqişəsində -hər bir yerdə jurnalistika tərəfdir”,- deyə Ə.Həsənov BMT Sivilizasiyalar Alyansının VII Qlobal Forumu çərçivəsində “KİV-in peşəkarlığı: Təcavüzkar ekstremizmin təbliğinə qarşı vasitələrin təşkili” mövzusundakı tədbirdə çıxışı zamanı bildirib.  

Onun sözlərinə görə, hər bir jurnalist mövzunu işıqlandırarkən tərəf olur. “Erməni jurnalist Dağlıq qarabağdakı öz separatçısını qəhrəman kimi qələmə verir. Azərbaycan jurnalistikası da ərazisini işğal edən 1 milyondan çox insanı qaçqın və köçkün vəziyyətinə salanları müvafiq formada göstərir. Yəni nəzəri və priktiki jurnalistika arasında fərq vardır. Jurnalistika siyasət ərtafında fəaliyyət göstərir. Jurnalistlər bu və ya digər fikirlərin daşıyıcısıdır.: milli, maddi, sosial və s. Biri  üçün pis olan bir məsələ başqalarında yaxşı ola bilər”, Ə.Həsənov deyib. O, Suriyadakı hadisələrin işıqlandırılmasına diqqəti yönəldib.

“Belə fikir yaranır ki, sanki bütün dünya eyni mövqeyi dəstəkləyir: Əsəd insan haqlarının pozub, ona görə də hakimiyyətdən  getməlidir.  Lakin başqa cür düşünən jurnalistlər yoxdurmu? Diqqət yetirin biz bu tədbiri həyata keçirir, öz multikulturallığımızı və tolerantlığımızı nümayiş etdiririk.Bu günlərdə bu haqda çox danışılıb, lakin baxın ki, bu günlərdə erməni KİV-ində nələr yazılıb. Onlar Bakı deklarasiyasına qoşulmamağa çağırırdı. Niyə? Cünki onlar özləri də subyektiv maraqların daşıyıcısıdır”,- deyə, Azərbaycan Prezidentinin köməkçisi qeyd edib.

1news.az