Oğuzda ağır qəza: iki nəfər öldü, bir nəfər xəsarət aldı

Oğuz rayonunda iki nəfərin ölümü ilə nəticələnən ağır yol-nəqliyyat hadisəsi baş verib.

1news.az-ın Daxili İşlər Nazirliyinə istinadən verdiyi xəbərə görə, hadisə dünən saat 20:00 radələrində rayonun Bucaq kəndində qeydə alınıb.

Belə ki, rayon sakini Rövşən Abbasov idarə etdiyi “VAZ-21154” markalı avtomobili yolun kənarındakı ağaca vurub. Nəticədə sürücü və həmyerlisi Məhiyəddin Kərimov hadisə yerində ölüb, digər 1 sərnişini xəstəxanaya yerləşdirilib.

Faktla bağlı Baş Dövlət Yol Polisi İdarəsi tərəfindən araşdırma aparılır.

1news.az