İranın Azərbaycandakı səfirliyi: Qondarma “erməni soyqırımı”nın ildönümü ilə bağlı Tehranda aksiyanın keçirilməsinə dair xəbərlər əsassızdır
“Qondarma “erməni soyqırımı”nın 101-ci ildönümü ilə bağlı Tehranda aksiyanın keçirilməsi ilə bağlı yayılan xəbərlər əsassızdır”.
1news.az-ın AZƏRTAC-a istinadla verdiyi xəbərə görə, bu barədə İranın Azərbaycandakı səfirliyinin mətbuat şöbəsinin müdiri Məhəmmədrza Nəcəfi guya Tehranda ermənilərin aksiya keçirmələri və Azərbaycan əleyhinə şüarlar səsləndirmələri barədə bəzi KİV tərəfindən yayılan xəbərlərin heç bir əsasının olmadığını deyib.
O, bildirib ki, bəzi KİV tərəfindən dövriyyəyə buraxılan bu kimi xəbərlər gündən-günə artan Tehran-Bakı münasibətlərinə kölgə salmaq məqsədi daşıyır.
M.Nəcəfi medianı dəqiq xəbərlər yaymağa və İran-Azərbaycan münasibətlərinin inkişafında müsbət rola malik olmağa çağırıb.
1news.az
526
