Bu həftə Bakıda 3 yol təmirdən sonra istifadəyə veriləcək
Bu həftə Bakıda 3 yol təmirdən sonra yenidən istifadəyə veriləcək.
Bu barədə 1news.az-a “Azəravtoyol” ASC-nin mətbuat xidmətinin rəhbəri Anar Nəcəfli məlumat verib. Onun sözlərinə görə, söhbət Məzahir Rüstəmov, Əliağa Şıxlinski və Telnova küçələrindən gedir.
“M.Rüstəmov və Ə.Şıxlinski küçələrinə artıq asfalt döşənib, yol nişanları çəkilib. Telnova küçəsinə isə istilik xətlərinin çəkilişi başa çatandan sonra asfalt qatı salınacaq”.
Bütün küçələrdə yeni səki daşlarının qoyulduğunu deyən A.Nəcəfli bildirib ki, kanalizasiya qapaqları da yeniləri ilə əvəz olunub, yağış kollektorları isə təmir edilib.
1news.az
592
