Atəşkəs rejiminin qüvvəyə minməsindən 22 il keçir

Bu gün Azərbaycan - Ermənistan cəbhəsində atəşkəs rejiminin qüvvəyə minməsindən 22 il ötür.

1news.az xəbər verir ki, 1994-cü il may ayının 8-də Bişkekdə imzalanan atəşkəs haqqında protokol, mayın 12-də qüvvəyə minib və həmin gün cəbhə xəttində fəal hərbi əməliyyatlar müvəqqəti olaraq dayandırılıb.

Həmin dövrdə rəsmi Moskva atəşkəsin onun irəli sürdüyü şərtlər əsasında elan edilməsində israrlı olsa da, protokol Azərbaycan və Ermənistan arasında Fransanın vasitəçiliyi ilə aparılan danışıqlardan sonra imzalanıb.

Qeyd edək ki, atəşkəs müqaviləsinin imzalanmasına baxmayaraq, erməni silahlı qüvvələri hələ də razılaşmaya əməl etmir. Həmin tarixdən bu günə qədər cəbhə boyu minə qədər monitorinq aparılsa da, hər gün qarşı tərəfin silahlı qüvvələrinin atəşkəsi pozması barədə xəbərlər alırıq.

1news.az