Bərdədə 4 nəfər oğurluq etdikləri həmkəndlilərinin evini yandırıblar

Bərdə rayonunda 4 nəfər oğurluq etdikləri həmkəndlilərinin evini yandırıblar.

1news.az xəbər verir ki, bu barədə Daxili İşlər Nazirliyindən məlumat veriblər.

Məlumata görə, noyabrın 1-də Bərdə rayonunun Saatlı kəndində yaşayan İbrahim Abbasovun evindən məişət əşyaları və təmir-tikinti alətləri oğurlanmış, habelə ev qəsdən yandırılmışdır.

Bərdə RPŞ əməkdaşlarının həyata keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən həmkəndliləri Murad Abbasov, Müslüm Qasımov, Dinar Xasaylı və İslam Qəmbərov tutulublar.  

Faktla əlaqədar  cinayət işi başlanılıb.

1news.az