Əziz Əliyevin 120 illik yubileyi qeyd olunacaq

Azərbaycan prezidenti İlham Əliyev görkəmli dövlət və elm xadimi Əziz Əliyevin 120 illik yubileyinin keçirilməsi haqqında sərəncam imzalayıb.

1news.az Azərtac-a istinadən xəbər verir ki, Səhiyyə Nazirliyi, Təhsil Nazirliyi və Xarici İşlər Nazirliyinə Ə. Əliyevin 120 illik yubileyinə həsr olunmuş tədbirlər planını hazırlayıb həyata keçirmək tapşırılıb.

Qeyd edək ki, 2017-ci il yanvarın 1-də Azərbaycanın görkəmli dövlət və elm xadimi Əziz Məmmədkərim oğlu Əliyevin anadan olmasının 120 illiyi tamam olur.

1news.az