Ermənilər işğal altında olan Böyük Mərcanlı kəndində yanğın törədiblər

Ermənistan silahlı qüvvələri işğal altında olan Azərbaycan ərazilərində yanğınlar törətməkdə davam edir.

1news.az-ın APA-ya istinadla verdiyi xəbərə görə, bu gün günorta saatlarından Cəbrayıl rayonunun işğal altında olan Böyük Mərcanlı kəndində böyük yanğınlar müşahidə olunur.

Yanğın geniş ərazini əhatə edir. Küləkli hava yanğının daha da genişlənməsinə şərait yaradır.

S.Xankişiyeva