Komitə sədri Şabranda vətəndaşları qəbul edəcək

Əmlak Məsələləri Dövlət Komitəsinin sədri Kərəm Həsənov avqustun 25-də Şabran rayonunda vətəndaş qəbulu keçirəcək.

1news.az-ın məlumatına görə, Heydər Əliyev Mərkəzində saat 11:00-da başlayacaq qəbulda Şəmkir ilə yanaşı Siyəzən rayonundan olan vətəndaşların müraciətlərinə baxılacaq.

Komitə sədri qəbul zamanı komitənin fəaliyyət istiqaməti üzrə, o cümlədən daşınmaz əmlakın qeydiyyatı sahəsinə aid olan müraciətlər, dövlət əmlakının özəlləşdirilməsi, hərraclarda iştirak, icarə əsasında istifadə edilən dövlət obyekti və ya torpaq sahəsinin özəlləşdirilməsi, torpaqların təyinatının qanunsuz dəyişdirilməsi, təyinatına zidd istifadəsi, torpaqların texniki parametrlərinin və koordinatlarının müəyyənləşdirilməsi, ünvan məsələləri və bu sahədə bölgələrdə əhalini maraqlandıran digər məsələlərlə bağlı vətəndaşları qəbul edəcək.

Qeyd edək ki, qəbulda yuxarıda qeyd olunmuş Şabran və Siyəzən rayonlarından olan vətəndaşlar iştirak edə bilər və yalnız komitənin fəaliyyət sahələrinə aid olan müraciətlərə baxılacaq.

Qəbula yazılmaq istəyən vətəndaşlar online olaraq komitənin [email protected] elektron ünvanına yaza və ya aşağıdakı nömrələrlə əlaqə saxlaya bilərlər:    

Komitənin Aparatı: (012) 490 24 08 (daxili 105 və 349)

Komitənin 13 saylı ərazi şöbəsi: (2332)  5-39-72,  (2335) 3-26-84

Daşınmaz Əmlakın Dövlət Reyestri Xidmətinin 5 saylı ərazi idarəsi: (02335) 3-24-63, (02335) 3-43-71

Eyni zamanda vətəndaşlar  Xaçmaz r. M.Ə.Rəsulzadə küç. 7b və Şabran şəhəri, AZ 1700, M.Ə.Rəsulzadə 39 ünvanlarına müraciət edərək qəbula yazıla bilərlər.

Babək Cahandarov