Macarıstan səfirliyi viza verilməsini qismən bərpa edib

Macarıstanın Azərbaycandakı səfirliyinin konsulluq şöbəsi vizaların verilməsini qismən bərpa edib.

1news.az Macarıstan səfirliyinə istinadla xəbər verir ki, konsulluq şöbəsi ötən həftə texniki qüsurlarla əlaqədar olaraq sənəd qəbulunu dayandırmışdı.

Bu gündən etibarən “D” katerqoriyalı uzunmüddətli viza almaq istəyənlər müsahibə üçün ifr.mfa.gov.hu saytı vasitəsilə vaxt təyin edə bilər.

“C” kateqoriyalı qısamüddətli vizaların verilməsi isə hələlik bərpa olunmayıb.

Bu vizaların alınması üçün Macarıstanın Tbilsidəki səfirliyinə və ya Azərbaycanda Şengen zonasına daxil olan digər ölkələrin səfirliklərinə müraciət etmək məsləhət görülür.

1news.az