Xızıda partlayış baş verən ərazidə 83 ədəd partlamamış hərbi sursat tapılıb
Azərbaycan Respublikası Ərazilərinin Minalardan Təmizlənməsi üzrə Milli Agentlik (ANAMA) Xızı rayonu ərazisində yerləşən Müdafiə Nazirliyin N saylı hərbi hissəsinin sursat anbarında baş vermiş partlayışla əlaqədar keçirdiyi əmliyyatla bağlı məlumat yayıb.
Agentliyin mətbuat xidmətindən 1news.az-a verilən məlumata görə, avqustun 29-da Fövqəladə Hallar Nazirliyinin və Daxili İşlər Nazirliyi Daxili Qoşunlarının birgə keçirilən təmizləmə əməliyyatları zamanı hərbi hissənin ətrafına, 6 yaşayış evinə, 2 ferma ərazisinə, əkin sahəsinə, otlaq sahəsinə, Məşədi Həsən kənd qəbirstanlığının yaxınlığına, su kanalına, istixananın yaxınlığına və telestudio ərazisinə baxış keçirilib.
Keçirilmiş baxışlar zamanı 83 ədəd partlamamış hərbi sursat və 227 ədəd partlamış-yanmış sursat qalıqları aşkar olunaraq götürülüb, nəticə etibarilə 3 680 615 kv.m əraziyə yoxlanılıb.
Ümumiyyətlə, 3 gün ərzində 4 000 615 kv. m (400.06 ha) əraziyə baxış keçirilib, 119 ədəd partlamamış hərbi sursat və 264 ədəd partlamış-yanmış sursat qalıqları aşkar olunaraq götürülüb.
Bununla yanaşı, Xızı rayonun Giləzi qəsəbəsi, Stalçay və Şurabad kəndləri ərazisində 536 nəfər yerli sakin arasında mina təhlukəsizliyinə dair maarifləndirmə təbliğatı aparılıb.
Babək Cahandarov
