Küləkli hava şəraiti ilə əlaqədar Bakının iki yolunda sürət həddi endirilib

Hazırda müşahidə edilən hava şəraiti ilə əlaqədar Heydər Əliyev prospekti-Hava limanı-Buzovna yolu və Zığ dairəsi-Hava limanı avtomagistrallarında bütün zolaqlar üzrə sürət həddi 20 km/saat endirilib.

Bu barədə 1news.az-a Bakı Nəqliyyat Agentliyindən məlumat verilib.

“Məqsəd qeyd edilən yollarda hərəkətin təhlükəsizliyini təmin etməkdir. Bakı Nəqliyyat Agentliyi bir daha sürücülərdən xahiş edir ki, bu cür güclü küləkli hava şəraitində nəqliyyat vasitələrini yollarda müəyyən edilən sürət həddinə əməl etməklə idarə etsinlər”, - deyə məlumatda vurğulanıb.

1news.az