88 yaşlı qəhrəman ana hər kəsi seçkilərdə fəal iştiraka çağırır
Ailəmizdə səs vermək imkanı olan 64 nəfər var.
Biz aprelin 11-də keçiriləcək prezident seçkilərində əmin-amanlığa, sülhə, sabitliyə səs verəcəyik.
1news.az-ın sechki-2018.az-a istinadla verdiyi xəbərə görə, bu fikirləri Cəbrayıl rayonu Göyərçin Veysəlli kənd sakini, 88 yaşlı qəhrəman ana Əliyeva Dürdanə Abdulla qızı “Seçki-2018” Müstəqil Media Mərkəzinə göndərdiyi məktubda bildirib.
11 övlad, 34 nəvə, 42 nəticə sahibi olan D.Əliyeva Azərbaycan qadınlarına müraciət edərək onları seçkilərdə fəal olmağa çağırıb:
“Hörmətli analar və bacılar, hər birinizi Azərbaycanda sülhün əbədi, müstəqilliyin daimi olması naminə seçkilərdə fəal iştiraka dəvət edirəm. Qoy ölkəmizdə sülh əbədi olsun. Yaşasın müstəqil Azərbaycan!”.
S.Xankişiyeva
