“Təməl”: Sabahın alimlərinin Amerika səfəri – VİDEO
“Təhsil” TV və 1news.az İnformasiya Agentliyinin birgə layihəsi olan “Təməl” verilişinin növbəti buraxılışı efir üzü görüb.
1news.az-ın verdiyi xəbərə görə, verilişdə Cəsarət Valehovun aparıcılığı ilə Azərbaycan təhsil sisteminin uğurunu təsdiq edən növbəti faktdan danışılıb və müsabiqədə öz zəkaları ilə uğur qazanmış şagirdlərlə söhbət təqdim edilib.
Qeyd edək ki, Amerika Birləşmiş Ştatlarının Pittsburq şəhərində Intel Fondunun təşkil etdiyi Beynəlxalq Elm və Mühəndislik Sərgisində azərbaycanlı şagirdlər proqramlaşdırma sahəsində 5000, dayanıqlı inkişaf nominasiyası üzrə 1000 dollar dəyərində mükafat qazanıblar.
Müsabiqəyə dünyanın 75 ölkəsindən 1800-dən çox məktəbli qatılıb. Dünyanın ən böyük şagird elmi müsabiqəsi hesab olunan Beynəlxalq Elm və Mühəndislik Sərgisini adətən “Kiçik Nobel mükafatı” müsabiqəsi də adlandırırlar.
S.Xankişiyeva
