BƏƏ səfirliyi "Zayed ili" çərçivəsində humanitar layihələr həyata keçirir

Birləşmiş Ərəb Əmirliklərində (BƏƏ) qeyd olunan "Zayed Humanitar Yardımlar Günü" bütün vətən övladlarının qəlbində əliaçıqlıq, sevgi və tolerantlıq hissələrini coşduran mərhum qurucu lider Şeyx Zayed bin Sultan Al Nəhyanın əziz xatirəsini anmaq məqsədi daşıyır.

Bununla bağlı 1news.az-a BƏƏ-nin Bakıdakı səfirliyindən daxil olan məlumatda deyilir ki, Şeyx Zayedin nümunəvi həyatı bizim hamımızı vətən naminə səylərimizi əsirgəməməyə sövq edir.

Qeyd edək ki, bu çərçivədə Birləşmiş Ərəb Əmirliklərinin Prezidenti Şeyx Xəlifə bin Zayed Al Nahyan 2018-ci ili BƏƏ-də "Zayed ili"elan edib.

Birləşmiş Ərəb Əmirlikləri dövləti regional və beynəlxalq səviyyədə humanitar yardımların realladırılmasına böyük önəm verir. Bu istiqamətdə BƏƏ-nin Bakıdakı səfirliyi BƏƏ Qırmızı Aypara Cəmiyyəti və Azərbaycan Qırmızı Aypara Cəmiyyəti ilə əməkdaşlığı çərçivəsində xəstələrə, ehtiyacı olan şəxslərə bir sıra tibbi, sosial-ictimai yardımlar, maddi və təcili müalicəyə ehtiyacı olanlara kömək göstərir.

Bu yardımlar təkcə paytaxt Bakı şəhəri ilə məhdudlaşmır, habelə regionlarda da həyata keçirilir. Belə ki, "Zayed ili" çərçivəsində Qəbələ Rayon Mərkəzi Xəstəxanasına tibbi avadanlığın hədiyyə edilməsi buna misal ola bilər. Həmçinin, səfirlik kasıb və ehtiyacı olanlara müxtəlif ərzaq sovqatları edir, xüsusən, müqəddəs Ramazan ayı ərzində Ramazan səbətləri paylanılıb.

Bu il ərzində belə sosial-ictimai və tibbi yardımların göstərilməsi davam edəcək.

P.Sultanova