Bakıda qaydaları pozan sürücülərə qarşı fləşmob keçirilib – VİDEO
Nəqliyyat vasitəsini qadağan olunan yerdə saxlayan, dayanma-durma qaydalarını pozan sürücülərin maarifləndirilməsi işləri davam etdirilir.
1news.az-a Bakı Nəqliyyat Agentliyindən (BNA) verilən məlumata görə, bununla bağlı Agentliyin kollektivinin iştirakı ilə fləşmob hazırlanıb.
Fləşmobda sürücülərə dayanma-durma qaydalarına əməl etməyin vacibliyini bildirən şüarlar nümayiş etdirilib. Fləşmob iştirakçıları nəqliyyat vasitələrini avtobus dayanacaq məntəqəsində, pandusların üzərində, səkilərdə eləcə də qadağan edilən digər yerlərdə park etməyərək bununla da digərlərinə nümunə olduqlarını bildiriblər.
“Bakı Nəqliyyat Agentliyi bir daha sürücülərə dayanma-durma qaydalarına əməl etməyi tövsiyə edir. Məhz hərəkət iştirakçısı olaraq bir-birimizə qarşı anlayışlı olmaqla şəhərimizin nəqliyyat problemini birlikdə həll edə bilərik”, - deyə məlumatda bildirilir.
S.Xankişiyeva