Bakıda bu restorana parolsuz daxil olmaq mümkün deyil - VİDEO

Maraqlı dizaynı ilə Böyük Vətən müharibəsinin ruhunu yaşadan restoranın adının “Partizan” olması da təsadüfi deyil.

1news.az-ın AZƏRTAC-a istinadən verdiyi xəbərə görə, burada müharibə dövrünü əks etdirən müxtəlif eksponatlar, Azərbaycanın müharibədəki rolunu vurğulayan tarixi və statistik məlumatlar yer alıb.

Restoranda müştərilərə sovet dövründə məşhur olan yeməklər təklif olunur. Eyni zamanda burada sovet dövrünün musiqiləri səsləndirilir.

Restoranın bir hissəsi sovet, digər hissəsi isə alman dövrünü əks etdirir. Sərhədi isə silahlı əsgərlər qoruyur. Bir hissədən digər hissəyə keçmək isə elə də asan deyil.

1news.az