Hacı Şahin: İslamda “cin çıxarma” anlayışı yoxdur – FOTO – VİDEO
“Cin çıxarma” ilə məşğul olanlar insanların dini cəhətdən məlumatsızlığından istifadə edirlər.
1news.az-ın verdiyi xəbərə görə, bu sözləri “Məşədi Dadaş” məscidinin imamı, məşhur teoloq Hacı Şahin Həsənli Şabran rayonunda fırıldaqçılar tərəfindən Bakı şəhər sakininin döyülərək öldürməsi xəbərinə münasibət bildirərkən deyib:
“İslamda “cin çıxarma” anlayışı yoxdur. Xəstə insanlar fırıldaqçılara deyil, həkimə, mütəxxəsislərə müraciət etməlidir. Əlbəttə ki, xəstə insanın sağalaması üçün dua etmək olar. Lakin “cin çıxarma” kimi ayinlər cəhalətdən başqa bir şey deyil. Belə çıxır ki, insan cinə Allahdan daha çox inanır. Allaha həqiqətən inanan şəxs belə addım atmaz. Bu cür hərəkətin İslamla heç bir aiddiyyatı yoxdur”.
Şabranda dəhşət - 6 nəfər ruhi xəstəni “cin çıxartma” adı ilə döyüb öldürdü
S.Xankişiyeva
