Regionda yeni reallığın yaradıcılarından: Avropa anlayır və qəbul edir | 1news.az | Xəbərlər
Köşə

Regionda yeni reallığın yaradıcılarından: Avropa anlayır və qəbul edir

S.Xankişiyeva17:50 - 05 / 02 / 2022
Regionda yeni reallığın yaradıcılarından: Avropa anlayır və qəbul edir

Fransa Respublikasının Prezidenti Emmanuel Makronun təşəbbüsü ilə fevralın 4-də Azərbaycan Respublikasının Prezidenti İlham Əliyevin, Fransanın Avropa İttifaqına sədrliyi qismində Prezident Emmanuel Makronun, Avropa İttifaqı Şurasının Prezidenti Şarl Mişelin və Ermənistanın baş naziri Nikol Paşinyanın iştirakı ilə videoformatda görüş baş tutdu.

Görüş iştirakçılarının əsas mövzusu – 2021-ci il dekabrın 14-də Brüsseldə müzakirə edilən sülh gündəliyinin davamı kimi Ermənistan-Azərbaycan münasibətlərinin normallaşdırılması məsələsi oldu.

Tərəflər Ermənistan və Azərbaycan arasında ikitərəfli münasibətlərin qurulmasının konturlarını təşkil edən məsələlər ətrafında fikir mübadiləsi apardılar. O cümlədən, siyasi liderlər humanitar məsələlər, etimad quruculuğu, Azərbaycanın üzləşdiyi mina problemi, kommunikasiyaların açılması, sərhədlərin delimitasiyası və demarkasiyası, sülh sazişi üzrə danışıqların başlanması kimi məsələlərə dair müzakirə etdilər.

Görüşdə Azərbaycan Prezidenti İlham Əliyev tədbir iştirakçılarının qaldırdıqları bütün məsələlərlə bağlı ölkənin mövqeyini bir daha xatırladıb.

Belə ki, müzakirələr zamanı Azərbaycanın dövlət başçısı Birinci Qarabağ müharibəsi zamanı itkin düşmüş şəxslərin taleyinin, kütləvi məzarlıqların yerinin müəyyənləşdirilməsi, işğaldan azad edilmiş ərazilərin minalardan təmizlənməsi sahəsində Azərbaycana beynəlxalq dəstəyin artırılması, dəmir yolu və avtomobil yolu ilə nəqliyyat dəhlizinin açılması məsələsinə xüsusi diqqət yetirib.

İlham Əliyev Birinci Qarabağ müharibəsi zamanı 71-i uşaq, 267-si qadın və 326-sı ahıl olmaqla, ümumilikdə 3890 Azərbaycan vətəndaşının itkin düşməsini qabardıb. Bununla yanaşı, dövlət başçısı qeyd edib ki, 44 günlük Vətən Müharibəsi başa çatdıqdan bəri mina partlayışı nəticəsində 36 nəfər Azərbaycan vətəndaşı həlak olub, 165 nəfər isə yaralanıb.

Əgər Ermənistan həqiqətən də sülh istəyini nümayiş etdirmək istəyirsə, o zaman Ermənistan-Azərbaycan hərbi münaqişəsi zamanı həlak olanların kütləvi məzarlıqlarının dəqiq koordinatlarını vermək məcburiyyətindədir.

İşğaldan azad edilmiş ərazilərin minalardan təmizlənməsinin ən çətin prosesindən danışarkən qeyd etmək lazımdır ki, Azərbaycan torpaqlarının minalardan və partlamamış hərbi sursatlardan təmizlənməsi işlərinin həyata keçirilməsinə bir sıra dövlətlər, o cümlədən Avropa ölkələri də öz köməkliklərini təklif ediblər. Dövlətlərin dəstəyi təkcə maddi vəsaitin ayrılmasından deyil, həmçinin Azərbaycana xüsusi texnika və ekspertlərin, o cümlədən xüsusi təlim keçmiş itlərin göndərilməsindən ibarətdir.

Aydındır ki, ərazilərin minalardan təmizlənməsi məsələsi illərlə davam edəcək. Vətəndaşların mümkün qədər tez zamanda öz doğma torpaqlarına qayıtmaları üçün mühüm nəticələr əldə etmək üçün bütün səylər göstərilməlidir. Bu baxımdan dost dövlətlərin Azərbaycana göstərdiyi istənilən yardım xüsusi əhəmiyyət kəsb edir.

Görüşdə həmçinin YUNESKO-nun Azərbaycan və Ermənistandakı missiyası məsələsi də müzakirə edilib və onun hər iki ölkəyə göndərilməsi barədə razılıq əldə olunub. Beləliklə, beynəlxalq təşkilat erməni işğalçılarının hərbi cinayətlərini, o cümlədən işğal etdikləri ərazilərin əsl sahiblərinə mənsubiyyətinə dair bütün tarixi-mədəni xatırlatmaları məhv etmək məqsədilə törətdikləri digər vəhşiliklərin şişirdilmiş deyil, əsl həqiqət olduğunu aydın görə biləcəklər.

Onu da qeyd edək ki, görüşün əsas mövzulardan biri Azərbaycanla Ermənistan arasında sərhədlərin delimitasiyası və demarkasiyası məsələsi çox mühüm əhəmiyyət daşıyır. Tərəflər bu prosesə təşəbbüs göstərməklə bütün regionda təhlükəsizlik, sülh və sabitliyə aparan yolda son mərhələyə keçə biləcəklər.

Yekun sülh həm Azərbaycan və Ermənistan xalqları, həm də regionun iqtisadi inkişafı üçün təkcə kağız üzərində – sülh müqaviləsi ilə deyil, həm də praktiki olaraq bölgənin rifahı üçün son dərəcə uğurla təcəssüm etdirə bilər. Beləliklə, sərhədlərin delimitasiyası və demarkasiyası prosesinin başlanması sülh sazişinin imzalanması üzrə danışıqlar üçün əsas olacaq.

Prezident İlham Əliyev, Fransa prezidenti Emmanuel Makron, Avropa İttifaqı Şurasının Prezidenti Şarl Mişel və Ermənistanın baş naziri Nikol Paşinyan arasında keçirilən son görüşdən sonra bəzi detalları nəzərdən qaçırmaq olmaz.

Birincisi, görüşün yekunlarına dair bəyanatlarda və müzakirələr zamanı ATƏT-in Minsk Qrupu ilə bağlı heç bir istinad səslənmədi, bu da Moskva, Soçi və Brüsseldə keçirilən görüşlərin xarakterinə uyğundur; ikincisi, “Dağlıq Qarabağ münaqişəsi” və “Qarabağ münaqişəsi” kimi ifadələrə rast gəlinmədi, bu da Qarabağ məsələsinin gündəmdən çıxarılmasının və Fransanın ATƏT-in Minsk qrupunun həmsədri kimi bu reallığı qəbul etdiyinin bariz nümunəsidir; üçüncüsü, Fransa bu tədbirdə həmsədr kimi yox, Avropa İttifaqına sədrliyi öz üzərinə götürmüş ölkə qismində iştirak edir.

Bütün bu məqamlar sübut edir ki, dünya ictimaiyyəti Azərbaycanın dövlət siyasətinin düzgün istiqamətini, eləcə də 44 günlük Vətən Müharibəsində Azərbaycanın erməni qəsbkarları üzərində haqlı qələbəsindən sonra regionda formalaşmış yeni reallığı eşidir və dərk edir.

Mövzu ilə əlaqədar oxuyun:

Azərbaycan, Fransa, Ermənistan liderləri və Aİ Şurası Prezidenti videoformatda görüş keçirib - FOTO

Prezident İlham Əliyev xalqa müraciət edib - YENİLƏNİB

Brüsseldə Azərbaycan Prezidenti ilə Avropa İttifaqı Şurasının Prezidenti arasında görüş olub - FOTO - YENİLƏNİB

Azərbaycan 15 ermənini verib 97 min mina xəritəsini aldı

Azərbaycana xüsusi təlim keçmiş iki minaaxtaran it gətirilib

ABŞ Azərbaycana 10 minaaxtaran it göndərib

ANAMA Yevlaxdakı partlayışla bağlı məlumat yayıb

Yevlaxda ermənilərin müharibə dövründə atdığı kasetli bomba partladı, çoban öldü

Yevlaxda partlayışın baş verdiyi ərazidə 17 ədəd kasetli bomba aşkarlanıb

Paylaş:
1331

Sizin üçün xəbərlər

Son xəbərlər

Pərviz Şahbazov və Kadri Simson mətbuat üçün birgə bəyanat veribBu gün, 19:03Kadri Simson: “Avropa İttifaqı ilə Azərbaycan arasında enerji sahəsində əməkdaşlıq gücləndirilir”Bu gün, 18:39Energetika Nazirliyi və “ACWA Power” əməkdaşlıq sənədləri imzalanıbBu gün, 18:19ABŞ Gürcüstana 140 ton hərbi yardım göndəribBu gün, 17:55Bu yolda dairəvi hərəkət ləğv edildiBu gün, 17:40Azərbaycanda COVID-19 əleyhinə peyvənd olunanların sayı açıqlanıbBu gün, 17:30Azərbaycanda daha 24 nəfər COVID-19-a yoluxub, 2 nəfər vəfat edibBu gün, 17:29Məsut Özil karyerasını bitiribBu gün, 17:234 general-polkovnikdən sonra bu ordeni alan Vasif olduBu gün, 17:11Bakıda 4 marşrutun hərəkət sxemi müvəqqəti dəyişdiriləcəkBu gün, 16:58ETSN qanunsuz ov edənlərə xəbərdarlıq edibBu gün, 16:55Buraxılış imtahanlarından azad edilmiş şagirdlərin siyahısı açıqlanıbBu gün, 16:44Sevinc Fətəliyeva: “Azərbaycan Avropanın enerji təhlükəsizliyinin təmin edilməsində mühüm rol oynayır”Bu gün, 16:30Soğan gömrük rüsumundan azad edildiBu gün, 16:17DİM ümumtəhsil müəssisələrinin rəhbərlərinə müraciət edibBu gün, 16:08Vüqar Rəhimzadə: Cənub Qaz Dəhlizi Azərbaycanın geosiyasi mövqeyini daha da gücləndirən beynəlxalq enerji layihəsidirBu gün, 15:32Prezident İranda səfirliyimizə qarşı terror aktının qarşısının alınmasında iştirak etmiş şəxsləri təltif edibBu gün, 15:31Magistral yolda daha bir piyada keçidi tikilir - FOTO - VİDEOBu gün, 15:18Bakıda narkotik satan kuryer şirkətinin əməkdaşları saxlanılıb - VİDEOBu gün, 15:12Bakıda mağazalardan oğurluq etməkdə şübhəli bilinən qadın saxlanılıbBu gün, 14:56
Bütün xəbərlər

Next TV