PA: Sülh və barışıq istiqamətində Avropa Şurasını fəal iştiraka çağırırıq

"Əminik ki, yeni Fəaliyyət Planı Avropa Şurası-Azərbaycan arasında əməkdaşlığa təkan verəcək. Avropa Şurası Baş katibinin Azərbaycan səfəri bu təqdimatda iştirakı da AŞ-nin Azərbaycanla əlaqələrinə önəm verdiyi göstərir”.

1news.az APA-ya istinadən xəbər verir ki, bunu “Avropa Şurasının Azərbaycan üçün 2022-2025-ci illər üzrə Fəaliyyət Planı”na həsr olunan tədbirdə Prezident Administrasiyasının xarici siyasət məslələri şöbəsnin beynəlxalq təşkilatlarla iş sektorunun müdiri Həbib Mikayıllı bildirib. Onun sözlərinə görə, insan haqları ilə bağlı problemlər hər ölkədə var və bu sahədə Azərbaycan addımlar atır:

"Sülh və barışıq istiqamətində AŞ-ni fəal iştiraka çağırırıq. AŞ Azərbaycan və Ermənistan arasında etibarın yaradılmasına töhvə verə bilər. Artıq ötən il AŞ-nin dəstəyi ilə iki ölkənin vətəndaş cəmiyyətinin nümayəndələrinin görüşü bu istiqamətdə atəlan addıma nümunə ola bilər.

44 günlük müharibədən sonra AŞ də daxil olmaqla beynəlxalq təşkilatlar Azərbaycanın ehtiyaclarını nəzərə almalıdır. Məsələn, minalanmış ərazilərin təmizlənməsi məsələsində dəstək, çünki bu məsələ birbaşa insan haqları ilə bağlıdır. Bu insanların həyatını xilas edəcək, yüz minlərlə məcburi köçkünün öz yurdlarına təhlükəsiz dönüşünü təmin edəcək. Həmçinin ümid edirik ki, AŞPA üzvləri Azərbaycan nümayəndə heyətinin minalanmanın nəticələri, eyni zamanda birinci Qarabağ müharibəsində itkin düşən şəxslərin axtarışı ilə bağlı məsələyə təkan verilməsi barədə bəyanatına qoşulacaq” – deyə o qeyd edib.

1news.az