“Nobel mükafatı almaq arzusundayam”: Rəşad Baxşızadə ABŞ-da kvant fizikası üzrə gələcək tədqiqatlarından bəhs edib – FOTO | 1news.az | Xəbərlər
Müsahibə

“Nobel mükafatı almaq arzusundayam”: Rəşad Baxşızadə ABŞ-da kvant fizikası üzrə gələcək tədqiqatlarından bəhs edib – FOTO

S.Xankişiyeva12:07 - 22 / 04 / 2022
“Nobel mükafatı almaq arzusundayam”: Rəşad Baxşızadə ABŞ-da kvant fizikası üzrə gələcək tədqiqatlarından bəhs edib – FOTO

Rəşad Baxşızadənin cəmi 25 yaşı var, lakin o, artıq Bakıda və Varşavada iki universitetin diplomlarını əldə edib. Yaxın zamanda isə, ABŞ-a köçərək, orada kvant fizikası sahəsində doktorluq dissertasiyası üzərində çalışacaq.

Yaxın günlərdə “Azərbaycan Universitetləri”nin Facebook səhifəsində Missuri Elm və Texnologiya Universitetinin (ABŞ) doktorantura pilləsinə tam təqaüdlə (45 000 ABŞ dolları məbləğində) qəbul olduğu, eləcə də, həmin universitetdə professor köməkçisi kimi işləyəcəyi barədə məlumat yayıb.

Azərbaycanlı tədqiqatçı-fizik 1news.az-a müsahibəsində taleyin onu Missuri Universitetinə necə aparmasından, qarşıdakı illərdə hansı elmi işlərlə məşğul olacağından danışıb, həmçinin elm sahəsindəki plan və arzularını bölüşüb.

“Fizikaya marağım universitetə qəbula ​​hazırlaşığım dövrdə yarandı. Bakıda Qafqaz Universitetinin fizika müəllimliyi fakültəsinə daxil olandan sonra anladım ki, düzgün seçim etmişəm. Həmçinin oradakı müəllimlər mənim üçün motivasiya mənbəyi oldular”, – Rəşad Baxşızadə deyir.

İngilis dilində təhsil alması gəncə məlumat mənbələrini əhəmiyyətli dərəcədə genişləndirməyə və biliklərini dərinləşdirməyə kömək etdi.

Rəşad Varşava Universitetində magistratura pilləsində təhsilini davam etdirəndə Polşa Elmlər Akademiyasında Tədqiqat Mərkəzində işə düzəlir. Burada onun kvant fizikası və fiziki proseslərin kompüter simulyasiyası istiqamətində elmi tədqiqatları davam etdirmək istəyi formalaşır.

“Kvant fizikası – sadə dillə desək, bu, hər şeyin mənbəyidir. Bu sahə texnologiyanın inkişafı üçün əsas olan dərin bilikləri özündə cəmləşdirir. Bu, olduqca maraqlıdır”, – Rəşad deyir.

O, sözlərinə əlavə edib ki, kvant fizikasında “Hər şeyin nəzəriyyəsi” (bu termin təbiətdəki fundamental qarşılıqlı təsirləri birləşdirəcək nəzəriyyəyə aiddir) – kimi konsepsiyanın daha dərindən öyrənilməsi istiqamətində bir alim kimi inkişaf etmək niyyətindədir.

Rəşad Baxşızadə təhsilini hansı formatda və harada davam etdirmək istədiyini anlamaq üçün internetdə dünyanın hansı universitetlərinin və konkret olaraq hansı professorların bu sahə ilə məşğul olduğu, onun elmi istiqamətləri ilə kimlərin maraqlanacağı barədə məlumat axtarmağa başlayır.

“Beləliklə, Missuri Universitetini axtarıb tapdım. Professorlardan birinə yazdıqdan sonra dərhal cavab aldım. Dialoqumuz baş tutdu. Məndən indiyə qədər gördüyüm bütün tədqiqat işlərimi ümumiləşdirməyi və baxılması üçün universitetə ​​göndərməyimi xahiş etdilər. İşimi maraqlı gördüklərini bilmək məni çox sevindirdi”, – Rəşad deyir.

Missuri Universiteti Rəşad Baxşızadə ilə 6 il müddətinə müqavilə bağlayıb. İlk üç il o, doktorluq dissertasiyası üzərində çalışmalı, həmçinin professor köməkçisi olacaq. Növbəti üç ildə gənc azərbaycanlı alim, universitetin akademik həyatında iştirakını davam etdirəcək.

“İndi məni emosiyalar bürüyüb. Çalışacağım şəxslər, araşdırma aparacağım mühitlə bağlı düşüncələr məni çox ruhlandırır. Və səbirsizliklə bu işə özümü qərq etməyi gözləyirəm”, - o, dedi.

“Karyerama gəlincə, bunu söyləyə bilərəm – harada kvant fizikası varsa, orada olacağam”, - gənc gülərək dedi.

“Missuri Universitetinə qəbul olunmağımla bağlı xəbəri eşidənlər məni təbrik edir və sevinirlər, bəziləri isə, gələcəkdə Nobel mükafatı laureatı olmağımı arzulayırlar. Bəli, mən özüm də fizika üzrə Nobel mükafatı almağı arzulayıram. Bu, çox dəyərli mükafatdır və çox həvəsləndirici hadisədir. Ümid edirəm ki, nə vaxtsa bu mənim də başıma gələcək”, - o, deyir.

İyun ayına qədər Rəşad Baxşızadə Varşavadakı elmi-tədqiqat mərkəzində bütün işləri başa çatdırmağı, daha sonra Vətəninə səfər etməyi, bundan sonra isə, avqustun əvvəlində ABŞ-a köçməyi planlaşdırır.

Rəşad Baxşızadə onu da bildirib ki, 2020-ci ildə 44 günlük Vətən Müharibəsi zamanı cəbhəyə getmək istəyib, lakin çağırılmayıb. “O vaxt güclü olduğum sahədə, yəni elmdə ölkəmə xeyir verməyi, xalqımı şöhrətləndirməyi qarşıma məqsəd qoydum. Əminəm ki, ətrafı dəyişdirmək istəyərkən, ilk növbədə özümüzdən başlamalıyıq”.

Rəşad Azərbaycan gənclərinə müraciət edərək gəncləri sosial şəbəkələrdən gələn yalançı kumirlərin təsirinə düşməməyə, özlərinə və güclü tərəflərinə inanmağa, Vətənə, bütün Azərbaycan xalqına xeyir verərək istedad və bacarıqlarını inkişaf etdirməyə çağırıb.

Müəllif: Yelena Ostapenko

Tərcümə: S.Xankişiyeva

Paylaş:
1119

Sizin üçün xəbərlər

Son xəbərlər

Məktəblərdə tətildən sonrakı ilk iş günü açıqlandıBu gün, 15:33Füzuli, Ağdam, Ağdərə, Xocalı və Tərtərdə yol layihələrinin icrası davam etdirilir - FOTOBu gün, 15:10Azərbaycanda yeni idman kanalına lisenziya verilibBu gün, 15:05Sumqayıtda 7 yaşlı uşağın ölümə səbəb olmaqda ittiham olunan məşqçiyə hökm oxunduBu gün, 14:51“McDonald’s Azərbaycan” və DSMF şəhid övladları üçün xeyriyyə tədbiri keçirib - FOTO - VİDEOBu gün, 14:45“For Azerbaijan” Beynəlxalq Xeyriyyə Təşkilatının elan etdiyi qrant müsabiqəsində 82 layihə təklifi qəbul edilibBu gün, 14:39Milli Məclisin 29 martda keçiriləcək iclasının gündəliyi açıqlandı - SİYAHIBu gün, 14:36“PAŞA Holding”in “Vətən əmanətlərin keşiyindədir” layihəsi çərçivəsində şəhid ailələrinə bayram sovqatları çatdırılırBu gün, 14:25AYNA xəbərdarlıq edir: Taksi sürücülərinin təlimlərdə əyani iştirakı mütləqdir!Bu gün, 14:15Kamaləddin Qafarov: “Azərbaycan-Gürcüstan əməkdaşlıq əlaqələri yeni sahələri əhatə edəcək”Bu gün, 14:10Hərbi qulluqçuların maarifləndirilməsi üzrə keçirilən tədbirlər davam etdirilirBu gün, 13:56Bakıda bankdan oğurluq edilməsinin qarşısı alınıb - VİDEOBu gün, 13:48Xəzər dənizi vasitəsilə 29,7 kq narkotikin Azərbaycana gətirilməsinin qarşısı alınıbBu gün, 13:35FHN Bakının mərkəzində məşhur kafenin fəaliyyətini dayandırıb - FOTO - VİDEOBu gün, 13:01Sabah leysan olacaq - Bayram gününün havası açıqlandıBu gün, 12:40Heydər Əliyev mərkəzi üçün hazırlanan əsər - “Hava fontanı - kəlağayıların rəqsi” - VİDEOBu gün, 12:22Pensiyaçılar ölkə əhalisinin 10,8 faizini təşkil edirBu gün, 12:14Sabunçuda hospitalda ölüm faktı qeydə alınmasına görə araşdırma aparılırBu gün, 12:05Mingəçevirdə 200 min manatlıq dələduzluqda şübhəli bilinən şəxs saxlanılıbBu gün, 12:00Fevralda nə qədər adam pensiya təyinatı alıb? - AçıqlandıBu gün, 11:19
Bütün xəbərlər