ASCO-nun “Azərbaycan” kran gəmisi “Abşeron” yatağındakı işlərə cəlb olunub | 1news.az | Xəbərlər
İqtisadiyyat

ASCO-nun “Azərbaycan” kran gəmisi “Abşeron” yatağındakı işlərə cəlb olunub

Qafar Ağayev14:51 - 15 / 08 / 2022
ASCO-nun “Azərbaycan” kran gəmisi “Abşeron” yatağındakı işlərə cəlb olunub

Azərbaycan Xəzər Dəniz Gəmiçiliyi QSC-nin (ASCO) 2 500 ton yükqaldırma qabiliyyətinə malik “Azərbaycan” kran gəmisi “Abşeron Erkən Hasilat Platforma Kompleksi”nin üst tikilərinin “Abşeron” yatağına nəqli və dayaq blokunun üzərində quraşdırılması əməliyyatlarına cəlb olunub.

Bu barədə 1news.az-a ASCO-dan məlumat verilib.

Bu məqsədlə Heydər Əliyev adına Bakı dərin özüllər zavodunda hazırlanan üç ədəd üst tikilinin ikisi – “AMO-2” və “AMO-1” modulları kran gəmisinin köməkliyi ilə barjalara yerləşdirilib. “AMO-3” modulu isə “Azərbaycan” kran gəmisinin öz göyərtəsinə yüklənib.

Üst tikililər “Abşeron” yatağına çatdırıldıqdan sonra “Azərbaycan” kran gəmisi burada onların dayaq blokunun üzərində quraşdırılmasında iştirak edəcək.

Paylaş:
635

Son xəbərlər

Bütün xəbərlər