Deputat: “Ermənistan sülh masasında əyləşmək istəmir” | 1news.az | Xəbərlər
Siyasət

Deputat: “Ermənistan sülh masasında əyləşmək istəmir”

Ayşən İsmayılova16:28 - 24 / 01 / 2023
Deputat: “Ermənistan sülh masasında əyləşmək istəmir”

“Ermənistan Avropa İttifaqından uzunmüddətli missiyanın göndərilməsi ilə bağlı razılıq əldə edilməsi ilə sülh danışıqlarına kölgə salmaq, prosesləri uzatmaq və yeni reallıqları öz xeyrinə dəyişmək məqsədini güdməkdədir”.

Bunu 1news.az-a açıqlamasında Milli Məclisin deputatı Naqif Həmzəyev deyib.

“Bütün bunlarla yanaşı Ermənistan faktiki olaraq Rusiyaya üz çevirir və regionda Rusiyanın təsirini azaltmaqla Avropa İttifaqının və qərbin mövqeyinin daha da güclənməsini istəyir. Onsuz da Paşinyanın Avropaya və qərbə meyilli olduğu hər kəsə bəlli idi. Ancaq Rusiyadan qorxduğu üçün hal-hazırda mövcud hakimiyyəti qorumaq üçün həm Avropa ilə, həm də Rusiya ilə balanslaşdırılmış siyasət həyata keçirmək istəyirdi. Lakin istənilən halda reallıqlar fonunda bunu etmək çox çətindir və faktiki olaraq Azərbaycanın 44 günlük vətən müharibəsində zəfər qazanması və Ermənistanın uduzan tərəf olması proseslərin bu cür cərəyan etməsinə imkan vermirdi. Xüsusilə də Praqa görüşündə əldə edilmiş razılıqlara əsasən Ermənistan gec-tez sülh masasında oturmalı idi. Ancaq Ermənistan bu şərtlərlə sülh masasında əyləşmək və sülh anlaşması imzalamaq istəmir. Bu baxımdan da Ermənistan belə bir uzunmüddətli missiyanı Ermənistan ərazisindən şərti Azərbaycan sərhədlərinə gətirməklə faktiki olaraq Rusiyanı sıxışdırıb çıxarmaq və öz mövqeyini daha da gücləndirmək istəyir”.

Deputat deyib ki, maraqlı məqam ondan ibarətdir ki, burada gizli məqamlardan biri məhz Türkiyə Azərbaycan münasibətlərinin irəliləməsinin qarşısını almaq, xüsusilə də Zəngəzur koridorunun açılmasını uzatmaqdır.

“Çünki üçtərəfli bəyanatın müddəalarında qeyd edildiyi kimi kommunikasiyalar açılmalıdır. Ancaq təəssüflər olsun ki, hələ də Ermənistan, Zəngəzur dəhlizinin açılmasına isti baxmır. Bu baxımdan da, həm qərb, həm Ermənistan, həm də İran faktiki olaraq bu koridorun açılmasını istəmir və yaxud bu prosesi uzatmaq istəyirlər. Çünki çox gözəl anlayırlar ki, bu koridorun açılacağı təqdirdə Türk dünyası üçün yeni imkanlar meydana çıxacaqdır. Həmçinin Azərbaycanın və region dövlətlərinin də iqdisadi potensialları və iqdisadi gücü daha da artacaqdır. Bu baxımdan da həm İran, həm qərb bu məsələdə bir xəttdə birləşirlər və Ermənistana dəstək verməklə onları gücləndirmək və məğlub vəziyyətdən çıxarmaq istəyirlər”.

Xatırladaq ki, yanvarın 23-də Avropa İttifaqı Şurası ümumi təhlükəsizlik və müdafiə siyasəti çərçivəsində Ermənistanda qurumun mülki missiyasının yaradılması barədə qərar qəbul edib.

Paylaş:
534

Son xəbərlər

İki ali məktəbə prorektor təyin edilibBu gün, 17:58Himayədar ailə olma zamanı tibbi müayinə pulsuz olacaqBu gün, 17:51Qubanın bir hissəsinin qaz təchizatında fasilə yaranacaqBu gün, 17:466 aylıq körpə bacısının dırnağını ağzına saldı, xəstəxanalıq olduBu gün, 17:37Əməkdar artist Rahib Əliyev vəfat edibBu gün, 17:28CAR lideri Prezident İlham Əliyevi təbrik edibBu gün, 17:21Taksilərlə bağlı tələblər müəyyənləşdi - 15 il, kamera, “avro-5”, elektrik mühərrikli - ŞƏRTLƏRBu gün, 16:47Bakı ətrafında dəmir yolu ilə sərnişindaşımaya subsidiya verilməsi qaydaları təsdiqlənibBu gün, 16:34Taksi minik avtomobilləri ağ və ya qırmızı rənglərdə olacaqBu gün, 16:21Builki bayram günlərində yol qəzalarında ölüm faktı 36 faiz azalıbBu gün, 16:06“Azərbaycan Sənaye Bankı” tələbləri pozdu, AMB məcburi sərəmcam verdiBu gün, 15:57FHN və ADY birgə təlim keçirib - FOTO - VİDEOBu gün, 15:34Vilayət Eyvazov Şamaxıda vətəndaşları qəbul edibBu gün, 15:18Bayram günlərində “Azərpoçt”un xidmətlərindən 400 mindən çox vətəndaş istifadə edibBu gün, 15:08“YAŞAT” Fondu müharibə əlilinə dəstək veribBu gün, 14:36“Azərişıq” Göyçayda yenidənqurma işlərinə başlayıb - VİDEOBu gün, 14:30Ekspert taksi islahatlarından danışdı: Birdən-birə 40 min nəfəri işsiz qoymaq doğru deyilBu gün, 14:29Könül Nurullayeva: “ABŞ-Ermənistan-Avropa İttifaqı hərbi paktı regionda sabitliyə, sülhə qarşı yönəlib”Bu gün, 14:13Azərbaycanda 23 yeni narkotik vasitə qadağan edilmiş maddələrin siyahısına əlavə olunduBu gün, 13:23Bakı şəhər “Lifttəmir” İB-nin direktoruna şiddətli töhmət verilib, 2 nəfər vəzifəsindən kənarlaşdırılıbBu gün, 13:10
Bütün xəbərlər