Azərbaycan ilə Çex Xarici İşlər Nazirliyi arasında siyasi məsləhətləşmələr aparılıb | 1news.az | Xəbərlər
Siyasət

Azərbaycan ilə Çex Xarici İşlər Nazirliyi arasında siyasi məsləhətləşmələr aparılıb

15:06 - 31 / 03 / 2023
Azərbaycan ilə Çex Xarici İşlər Nazirliyi arasında siyasi məsləhətləşmələr aparılıb

30 mart 2023-cü il tarixində Bakıda Azərbaycan Respublikası Xarici İşlər Nazirliyi ilə Çex Respublikası Xarici İşlər Nazirliyi arasında növbəti siyasi məsləhətləşmələr keçirilib.

1news.az xəbər verir ki, Məsləhətləşmələrdə nümayəndə heyətlərinə Azərbaycan tərəfindən xarici işlər nazirinin müavini Xələf Xələfov, qarşı tərəfdən isə Çex Respublikası Xarici İşlər Nazirliyinin Avropa məsələləri üzrə baş direktoru Yaroslav Kurfürst rəhbərlik edib.

Siyasi məsləhətləşmələr zamanı ölkələrimiz arasında ikitərəfli və çoxtərəfli münasibətlərin hazırkı vəziyyəti, gələcək perspektivləri, o cümlədən siyasi, iqtisadi, ticarət, humanitar, konsulluq məsələləri, habelə beynəlxalq təşkilatlar çərçivəsində əməkdaşlıq müzakirə edilib.

Müzakirələr zamanı nazir müavini X.Xələfov 2023-cü ildə iki ölkə arasında diplomatik münasibətlərin qurulmasının 30 ilinin tamam olduğunu qeyd edərək, bu illər ərzində ölkələrimiz arasında qarşılıqlı hörmət və etimada əsaslanan səmərəli əməkdaşlıq əlaqələrinin strateji tərəfdaşlıq səviyyəsinə yüksəldiyini, bu prosesdə yüksək səviyyəli siyasi dialoqun, rəsmi səfər mübadilələrinin, habelə parlamentlərarası əməkdaşlığın mühüm rol oynadığını və münasibətlərin daha da inkişaf etdirilməsi üçün geniş potensialın mövcud olduğunu bildirib. Azərbaycanın təşəbbüsü və iştirakı ilə bölgədə həyata keçirilən nəqliyyat, kommunikasiya layihələri haqda məlumat verib və bu istiqamətlərdə əməkdaşlıq üçün geniş imkanların olduğunu vurğulayıb.

X.Xələfov qarşı tərəfə post-münaqişə dövründə bölgədə yaranan yeni reallıqlar, işğaldan azad olunmuş Azərbaycan ərazilərində aparılan bərpa və quruculuq işləri haqqında ətraflı məlumat verib. Azərbaycanın Ermənistan ilə münasibətlərinin normallaşması, sülh gündəliyinin irəlilədilməsi, dövlət sərhədinin delimitasiyası, kommunikasiyaların açılması istiqamətindəki təşəbbüsləri barədə qarşı tərəfi məlumatlandıraraq, eyni zamanda Ermənistan tərəfindən törədilən təxribatların, xüsusilə də Üçtərəfli Bəyanatdan irəli gələn öhdəliklərin yerinə yetirilməməsinin bölgədə sülh və əmin-amanlığın təmin edilməsinə təhdid yaratdığını diqqətə çatdırıb.

Y.Kurfürst Azərbaycan Respublikası ilə Çex Respublikası arasında ikitərəfli əlaqələrin hazırkı səviyyəsindən məmnunluğunu ifadə edib və 2015-ci ildə imzalanmış müvafiq Birgə Bəyanatdan irəli gələrək münasibətlərin strateji tərəfdaşlıq səviyyəsinə çatdığını bildirib. Çex Respublikasının Azərbaycan Respublikasının suverenliyini və ərazi bütövlüyünü daim dəstəklədiyini və bölgədə davamlı sülhün və sabitliyin bərqərar olunmasının əhəmiyyətli olduğunu vurğulayıb. Cari ilin 3 mart tarixində Praqada Azərbaycan-Çex Respublikası hökumətlərarası komissiyasının iclasının məhsuldar keçirildiyini və bunun iki ölkə arasında iqtisadi sahədə əməkdaşlığın inkişafına töhfə verdiyini bildirib.

Görüş zamanı tərəflər arasında qarşılıqlı maraq doğuran digər regional və beynəlxalq təhlükəsizlik məsələləri ətrafında da fikir mübadiləsi aparılıb.

Paylaş:
184

Son xəbərlər

“Azərbaycan Dəmir Yolları” QSC Gürcüstanda baş vermiş hadisə ilə bağlı məlumat yaydı27 / 05 / 2023, 20:34Myanma Dövlət İdarə Şurasının Sədri Prezidentə təbrik məktubu ünvanlayıb27 / 05 / 2023, 18:05Neftçalada qəzaya düşən Vətən müharibəsi qazisi səkkiz gün sonra ölüb - FOTO27 / 05 / 2023, 17:52Dünən ölkədə havanın temperaturu iqlim normasından 3,4 dərəcə yuxarı olub27 / 05 / 2023, 17:37Tərtərdə sursatın partlaması nəticəsində tikinti şirkətinin əməkdaşı xəsarət alıb27 / 05 / 2023, 17:25Albaniya lideri İlham Əliyevə təbrik məktubu ünvanlayıb27 / 05 / 2023, 17:10Şüvəlanda yerləşən “McDonald's” restoranı təmirdən sonra yenidən fəaliyyətə başlayıb - FOTO27 / 05 / 2023, 17:05Son sutkada Azərbaycanda koronavirusa yoluxanların və peyvənd olunanların sayı açıqlanıb27 / 05 / 2023, 16:53Fövqəladə Hallar Nazirliyi əhaliyə müraciət edib27 / 05 / 2023, 16:40Ərdoğan Azərbaycan Prezidenti İlham Əliyevi təbrik edib27 / 05 / 2023, 16:24Kəlbəcər rayonunda “Qamışlı” Kiçik Su Elektrik Stansiyası istifadəyə verilib27 / 05 / 2023, 16:10Kəlbəcər rayonunun Zallar kəndinin təməli qoyulub27 / 05 / 2023, 16:02Prezident İlham Əliyev Kəlbəcər rayonunun Yanşaq kəndinin təməlini qoyub - YENİLƏNİB27 / 05 / 2023, 15:54Leonid Slutski İlham Əliyevə təbrik məktubu ünvanlayıb27 / 05 / 2023, 15:42Dmitri Savelyev Prezidenti təbrik edib27 / 05 / 2023, 15:26Corc Vella İlham Əliyevə təbrik məktubu ünvanlayıb27 / 05 / 2023, 15:14İki çempion birləşdi - “Sirab” “Qarabağ”ın rəsmi tərəfdaşı oldu - FOTO27 / 05 / 2023, 15:00Bruneyin Sultanı Azərbaycan Prezidentinə təbrik məktubu ünvanlayıb27 / 05 / 2023, 14:48Sədərəkdə bəzi fərdi yaşayış evlərinə yağış suları dolub27 / 05 / 2023, 14:36Göygöldə 67 baş mal-qara oğurlamaqda şübhəli bilinən şəxslər saxlanılıb27 / 05 / 2023, 14:24
Bütün xəbərlər

Next TV