Səfir: Özbəkistanın TDT-nin tamhüquqlu üzvü olması Azərbaycanla əlaqələri daha da möhkəmləndirib

Özbəkistanın Türk Dövlətləri Təşkilatının (TDT) tamhüquqlu üzvü olması Azərbaycanla əlaqələri daha da möhkəmləndirdi.

1news.az xəbər verir ki, bunu Azərbaycanın Özbəkistandakı fövqəladə və səlahiyyətli səfiri Hüseyn Quliyev “Özbəkistan və Azərbaycan: əməkdaşlığın yeni üfüqləri” mövzusunda təşkil olunan dəyirmi masada çıxışı zamanı deyib.

Diplomatın sözlərinə görə, hazırda TDT türk ölkələri arasında əlaqələndirici rol oynayır və türk dünyasının mühüm məsələlərini həllində iştirak edir.

Quliyev vurğulayıb ki, ölkələrimiz arasında əlaqələr dinamik və hərtərəfli formada inkişaf edir.