Birinci Qarabağ müharibəsinin itkin şəhidi Sahil İbrahimov dəfn olunub - YENİLƏNİB
Birinci Qarabağ müharibəsində itkin düşmüş hesab edilən və nəşinin qalıqları 32 il sonra tapılan Sahil Nurəddin oğlu İbrahimov dəfn olunub.
1news.az-ın “Report”a istinadən məlumatına görə, şəhidin ailə üzvlərinə məxsus evdə keçirilən vida mərasimindən sonra onun nəşinin qalıqları Bakı şəhəri, Suraxanı rayonu, Əmircan qəsəbəsinin qəbiristanlığında torpağa tapşırılıb.
11:33
Birinci Qarabağ müharibəsində itkin düşmüş hesab edilən və nəşinin qalıqları 32 il sonra tapılan Sahil Nurəddin oğlu İbrahimovla vida mərasimi keçirilib.
1news.az-ın “Report”a istinadən məlumatına görə, şəhidin ailə üzvlərinə məxsus evdə keçirilən vida mərasimində onun yaxınları, dövlət və ictimaiyyət nümayəndələri iştirak ediblər.
Vida mərasimindən sonra şəhid Sahil İbrahimovun nəşinin qalıqları Bakı şəhəri, Suraxanı rayonu, Əmircan qəsəbəsinin qəbiristanlığında dəfn olunacaq.
Qeyd edək ki, Sahil İbrahimov 1970-ci il iyulun 23-də Ermənistanın Amasiya rayonu, Çivinli kəndində anadan olub. O, Ağdərə rayonunun Mehmanə kəndi ərazisində itkin düşmüş sayılırdı.
