1news.az

Bakıda 29 yaşlı iş xanımı vəfat edib – FOTO

2 İyul saat 11:28 ~ 1 dəqiqəlik oxu 2140
Bakıda 29 yaşlı iş xanımı vəfat edib – FOTO

Bakıda 29 yaşlı iş xanımı Ülkər İsgəndərova vəfat edib.

Axşam.az xəbər verir ki, bu haqda onun yaxınları sosial şəbəkədə məlumat yazıblar. Bildirilib ki, Ülkər yatdığı yerdə ürəktutmasından dünyasını dəyişib. Dostları "Köməkçisi gəlib ki, oyanmır" deyə qeyd ediblər.

Ü.İsgəndərova İnstaqramda "nazlı_design" adı ilə tanınırdı. Nazlı isə onun qızının adıdır.

Qeyd edək ki, Ülkər toy, xına, nişan məclislərinə xonça bəzədilməsi ilə məşğul olurdu. Onun iki övladı var.

Bir müddət əvvəl o, həkim valideynlərinin koronavirusa yoluxduğunu və müalicə aldığını bildirmişdi. Son paylaşımlarının birində Ülkər valideynlərinin səhhətinin yaxşılaşdığını yazıb.

Ülkər 3 gün əvvəl Xalq artisti Mübariz Tağıyevin "Xatirə" mahnısını paylaşaraq "Bu ifa mənə “dünyada ölümdən başqa hər şeyə çarə varmış” kimi hiss etdirir" sözlərini qeyd edib.

S.Xankişiyeva

 

OXUCULARIN SEÇİMİ
REDAKSİYANIN SEÇİMİ
Cəmiyyət BÖLMƏSİNDƏN DİQƏR XƏBƏRLƏR

SON XƏBƏRLƏR

yuxarı
Materiallardan istifadə edərkən sayta mütləq istinad olunmalıdır.

© Copyright 2007-2020 "The First News" İnformasiya Agentliyi,,
Bütün hüquqlar qorunur
entonee.net