Bakıda mağazanın damı çökdü, iki nəfər xəsarət aldı

Bakıda qar təmizləmək üçün dama çıxan iki nəfər xəsarət alıb.

1news.az-ın Daxili İşlər Nazirliyinə istinadən verdiyi xəbərə görə, hadisə dünən Suraxanı rayonunun Əmircan qəsəbəsində qeydə alınıb.

Belə ki, Bakı şəhər sakinləri Elşad Abdullayev və Bəhruz Abdullayev istifadə olunmayan mağazanın dam örtüyünü qardan təmizləyərkən dam çöküb. Nəticədə xəsarət alan E.Abdullayev və B.Abdullayev xəstəxanaya yerləşdiriliblər.

1news.az