ANS serialda işlədilən senzuradan kənar sözlərlə bağlı MTRŞ-nin tənqidinə cavab verib
ANS telekanalı “Qanlı yanvar “ filmində istifadə olunan qeyri-etik və senzuradan kənar sözlərin istifadəsi haqqında Milli Televiziya və Radio Şurasının ( MTRŞ) tənqidinə münasibət bildirib.
Xatırladaq ki, “Qanlı Yanvar” filmi 20 yanvar tarixində ANS efirində nümayiş olunub.
Sosial şəbəkə istifadəçiləri filmi kəskin tənqid edərək faktları təhrif etdiyinə və şəhidləri,Azərbaycan xalqını təhqir etdiyinə görə filmi baukot etməyə çağırıb. Bəzilərinin tənqidinə səbəb oldur ki, film söyüşlə doludur, ona görə də ailəvi izləməyə uyğun deyil.
Filmdə səsləndirilən dialoqlar həqiqətən də uşaqlara uyğun deyil. Məsələn :
- Gəl,bl*d !
- Ay oğ*aş!
- Ayağa qalx bl*d !
- Oğ*aş burnumu sındırdı
- Sənin ananı... qalx ayağa bl*d !
-Kim atəş açdı? Sən idin, bl*d !
1news.az-a müsahibəsi zamanı MTRŞ-nin şöbə müdiri Təvəkkül Dadaşov bildirib ki, Vahid Mustafayevin çəkdiyi “Qanlı Yanvar” filmində Milli Şuranın Monitorinq qrupu bir çox pozuntu halları qeydə alıb.
MTRŞ tərəfindən səsləndirilən tənqidi şərh edən ANS şirkəti prezidentinin mətbuat məsələləri üzrə məsləhətçisi Mais Məmmədov qeyd edib ki, “ANS və MTRŞ arasında münasibətlər o qədər də xoş deyil”.
Onun sözlərinə görə, filmin ünvanına səsləndirilən tənqidlər əsassızdır.
“Onlar hər zaman hansısa bir səhv axtarır. Sabah da başqa nə isə deyəcəklər.Yəni hər dəfə biz onlara cavab verməliyik? Nə üçün bunu edirlər, telekanal onlara nə edib?” – M.Məmmədov soruşur.
MTRŞ-nin monitorinq qrupu tərəfindən “Qanlı Yanvar “ filmində istifadə olunan qeyri-etik və vulqar sözlərlə bağlı tənqid haqqında M. Məmmədov bildirib ki, bu ittihamlara cavab vermək niyyətində deyil.
Onun sözlərinə görə, bu cür sözlər kino, teatr və ədəbiyyatda istifadə olunur.
“Bəs bu adam kimdir? Şair, yazıçı, hüquqşünasdır ki, ANS-i tənqid etsin? Mən belə bir adam tanımıram”, - M.Məmmədov dedi.
M.Məmmədov bildirdi ki, heç kəs müxtəlif beynəlxalq festivallarda nümayiş olunacaq filmə görə “çox sağ ol” deməyib.
“Çox sağ ol” deyərdiniz ki, məhz bu film sayəsində 20 Yanvar faciəsi haqda Kanadada, Braziliyada, Avropanın bir çox ölkələrində məlumət əldə ediblər”, - deyərək, heç də filmdə istifadə olunan senzuradan kənar sözlərə görə təəssüf etmədi. Belə ki, həmin film gecə deyil, məhz uşaqların televizor qarşısında əyləşdiyi vaxt göstərilir.
“MTRŞ bizi cərimə etmədən əvvəl seminarlar təşkil etsin, xaricdən Azərbaycana məşhur jurnalistlər dəvət etsin ki, televiziyanın inişafında xidmətləri olsun”, - o, dedi.
Qeyd edək ki, MTRŞ bu yaxınlarda ANS telekanalında “Hesabat” analitik-indormasiya verilişinin yayımlanmasını bir aylığına dayandırdı.
“Verilişin yayımlanması yol verilmiş nöqsanlar, dəlillərin ədalətli göstərilməməsi səbəbindən dayandırılıb”, - MTRŞ-nın məlumatında bildirlir.
Nəticədə ANS telekanalında yayımlanan “Hesabat” analitik-indormasiya verilişinin bağlanması haqda qərar müvəqqəti olaraq dayandırılıb.
Daha əvvəl isə, MTRŞ tərəfindən ANS telekanalına qarşı külli miqdarda cərimə etməklə bağlı qərar edilmişdi. Bu da həmin qərarlardan bəzisi ilə bağlı ANS-lə məhkəmə prosesi zamanı mübahisələrə səbəb olmuşdu.
1news.az
