Azərbaycanda bələdiyyələrin səlahiyyəti genişlənə bilər

Azərbaycanın yerli özünüidarə orqanlarına yeni səlahiyyətlər verilə bilər.

1news.az xəbər verir ki, bu haqda Milli Məclisin regional məsələlər üzrə komitəsinin sədri Arif Rəhimzadə bildirib.

O, xatırladıb ki, 2015-ci ildən ölkə qanunvericiliyində bələdiyyələrə vergi və digər daxilolmaların nağdsız həyata keşirilməsi təcrübəsi öz əksini tapıb.

“Qanunvericilikdə bu məsələ nəzərə alınsa da, təcrübədə onun həyata keçirilməsi müəyyən çətinliklərlə qarşılaşır. Bu məsələ ilə bağlı iş aparılır və təkliflər hazırlanır”, - A.Rəhimzadə qeyd edib.

Parlament komitəsinin sədri bildirib ki, yeni təşəbbüslər bələdiyyələrin vergi ödəyicilərinə təsir mexanizminin formalaşdırılmasına yönəlib.

“Biz bu məsələ ətrafında düşünürük”, -Ə.Rəhimzadə deyib.

Bununla yanaşı o qeyd edib ki, bələdiyyə nəzdində olan torpaqların tender keçirmədən mövsümi arendaya verilməsi məsələsi də müzakirə olunur.

1news.az