“İradio” təcrübə proqramının yaradılmasının ikinci ildönümü qeyd edilir

“İrəli” İctimai Birliyinin nəzdində fəaliyyət göstərən gənclər radiosu - “İradio” təcrübə proqramının fəaliyyətə başlamasının iki ili tamam olub.

1news.az-ın AZƏRTAC-a istinadən verdiyi xəbərə görə, 2010-cu ildən fəaliyyətə başlayan radio qısamüddətli fasilədən sonra ötən il fevralın 2-də yeni formatda işini davam etdirib. Radio fəaliyyətə başladığı gündən 22 gənc aparıcı ilə 24 müxtəlif adda verilişlə dinləyicilərin qarşısına çıxıb. Ümumilikdə 1440 dəqiqə efir saatı və bu saatlarda 3318 dinləmə sayı qeydə alınıb.

“İradio”nun rəhbəri Əminə İlyaslı bildirib ki, hazırda radioda gənclərlə bağlı bir sıra yeni layihələr, verilişlər hazırlanır.

1news.az