Çingiz Abdullayev Zahid Orucun ittihamlarına cavab verdi

Çingiz Abdullayev 4 deyil, 18 vəzifə tutur. Bunlardan 11- beynəlxalq miqyaslıdır.

1news.az xəbər verir ki, bu haqda Azərbaycan Pen Klubunun mətbuat xidmətindən məlumat verilib.

Xatırladaq ki, bir müddət əvvəl deputat Zahid Oruc bir neçə vəzifə tutan bəzi məmurların, o cümlədən Çingiz Abdullayevin həmin vəzifədən uzaqlaşdırılmasını təklif etmişdi.

Pen-Klubun bəyanatında deyilir ki, 18 vəzifənin hər biri ictimai xarakter daşıyır və dövlət vəzifəsi deyil.  

“O, məmur deyil, bütün vəzifələri seçki ilə müəyyənləşib və ödənişli deyil. Onun vəzifədən uzaqlaşdırılması üçün yeni seçki keçirilməlidir. Ç.Abdullayevi əvəz edəcək şəxs onunla eyni nüfuza malik olmalıdır. Burada heç bir qınaətdən söhbət gedə bilməz cünki vəzifələrin heç biri ödənişli deyil!

Ödəniş aldığı vəzifə yalnız Yazıçılar Birliyindədir və onu əməkdaşlar arasında paylayır.

Jurnalistlərin nəzərinə çatdırılır ki, Çingiz abdullayevin rəhbərlik etdiyi heç bir qurumda xidməti maşını yoxdur.

Seçki ilə müəyyənləşən ictimai vəzifələri dövlət vəzifələrindən fəqləndirə bilməyən deputata yalnız təəssüf etmək lazı gəlir”,- məlumatda deyilir.

Xatırladaq ki ,bir müddət əvvəl Milli Məclisin deputatı Zahid Oruc parlamentin plenar iclası zamanı bir neçə vəzifə tutan şəxlərin işdən uzaqlaşdırılmasını təklif edib.

“ Yazıçı Çingiz Abdullayev bildirib ki, 4 uşaq atasını qoruya bilmir. Mən onun narahatlığını anlayıram. Lakin onun narahatlığı özünə də aiddir, cünki özü 4 vəzifə tutur”.

1news.az