Bu ilin yanvarında 35 çoxmərtəbəli binaya təbii qaz verilib
![Bu ilin yanvarında 35 çoxmərtəbəli binaya təbii qaz verilib](/images/articles/2016/02/05/thumb_20160205123902914.jpg?2021-02-17+09%3A23%3A32)
“Azəriqaz” İstehsalat Birliyi çoxmərtəbəli binalara təbii qazın verilməsi istiqamətində fəaliyyətini davam etdirir.
1news.az SOCAR-ın rəsmi saytına istinadən xəbər verir ki, birlik 2016-cı ilin yanvar ayında hüquqi və fiziki şəxslərin müraciətlərini araşdıraraq, müvafiq sənədləri təqdim olunan 35 çoxmərtəbəli binaya təbii qazın verilməsini təmin edib.
Qeyd edək ki, həmin binalarda ümumilikdə 1715 ailə yaşayır.
“Azəriqaz” İB təbii qazın satışı ilə məşğul olan bir qurum kimi zəruri sənədləri təqdim etmiş, bütün normativ-texniki və təhlükəsizlik tələblərinə cavab verən istənilən çoxmərtəbəli binanın ən qısa müddətdə “mavi yanacaq”la təmin olunmasında maraqlıdır.
1news.az
591